मुख्यमंत्री विष्णुदेव साय ह ‘गजरथ यात्रा-भाग 02’ किताब के करिन विमोचन, वनकर्मी मन ल करिन सम्मानित

जसपुर, मुख्यमंत्री श्री विष्णुदेव साय ह काली जशपुर जिला के अपन गांव बगिया स्थित कैंप कार्यालय म ‘गजरथ यात्रा-भाग 02’ किताब के विमोचन करिन। ए किताब म जशपुर वनमंडल कोति ले मानव-हाथी द्वंद्व ल कम करे, हाथी संरक्षण अउ जनजागरूकता बर चलाए जात अभियान के संकलन करे गे हे।
मुख्यमंत्री ह कहिन के जशपुर ह वन संपदा ले भरपूर हे, एखरे सेती मनखे अउ वन्यजीव मन के सुरक्षित सह-अस्तित्व जरूरी हे। हाथी के सुभाव अउ विचरण क्षेत्र के प्रति लोगन ल जागरूक करके घटना मन ल कम करे जा सकत हे। ‘गजरथ यात्रा’ अभियान के तहत गांव-गांव अउ इस्कूल मन म पहुंचके लोगन ल हाथी मन ले सुरक्षित दूरी बनाए रखे अउ ‘राज संकेत’ ऐप के माध्यम ले समय म सूचना पहुंचाए के बूता करे जात हे।
ए मौका म मुख्यमंत्री ह मानव-हाथी द्वंद्व प्रबंधन अउ सुरक्षा म बढ़िया काम करइया वन विभाग के अधिकारी-कर्मचारी मन ल प्रशस्ति पत्र देके सम्मानित करे गीस। कार्यक्रम म कलेक्टर श्री रोहित व्यास, डीएफओ श्री शशि कुमार, जिला पंचायत सीईओ श्री अभिषेक कुमार सहित आन अधिकारी उपस्थित रहिन।