मुख्यमंत्री श्री विष्णु देव साय ह भारत के मुख्य न्यायाधीश न्यायमूर्ति श्री सूर्यकांत के करिन आत्मीय स्वागत

रायपुर, मुख्यमंत्री श्री विष्णु देव साय ह भारत के माननीय मुख्य न्यायाधीश न्यायमूर्ति श्री सूर्यकांत के छत्तीसगढ़ आगमन म पुष्प गुच्छ भेंट करके उमन के आत्मीय स्वागत अउ अभिनंदन करिन। ए मउका म मुख्यमंत्री श्री साय ह माननीय मुख्य न्यायाधीश ला छत्तीसगढ़ के समृद्ध सांस्कृतिक परंपरा के चिनहा के रूप म राजकीय गमछा, दुनिया भर म प्रसिद्ध बस्तर दशहरा ऊपर आधारित कॉफी टेबल बुक अउ बेल मेटल (कांसा शिल्प) ले बने भगवान श्रीराम अउ माता शबरी के सुग्घर मूरती भेंट करिन।
मुख्यमंत्री श्री साय ह ए मउका म भारत के सर्वोच्च न्यायालय के माननीय न्यायाधीश न्यायमूर्ति श्री पी. नरसिम्हा अउ न्यायमूर्ति श्री प्रशांत कुमार मिश्रा संग छत्तीसगढ़ उच्‍च न्यायालय के माननीय मुख्य न्यायाधीश न्यायमूर्ति श्री रमेश सिन्हा के घलो स्वागत अउ अभिनंदन करिन।
बता दन के भारत के माननीय मुख्य न्यायाधीश न्यायमूर्ति श्री सूर्यकांत ह हिदायतुल्ला राष्ट्रीय विधि विश्वविद्यालय (Hidayatullah ational Law University) के दीक्षांत समारोह म सामिल होय बर छत्तीसगढ़ के प्रवास म आय हें।