मुख्यमंत्री श्री विष्णुदेव साय ह स्वामी विवेकानंद जयंती ‘राष्ट्रीय युवा दिवस’ के मउका म प्रदेशवासी मन ल दीन शुभकामना

रायपुर, मुख्यमंत्री श्री विष्णु देव साय ह स्वामी विवेकानंद जयंती ‘राष्ट्रीय युवा दिवस’ के अवसर म जम्मो प्रदेशवासी मन ल, खास करके युवा मन ल गाड़ा-गाड़ा बधाई अउ शुभकामना दे हवंय।
मुख्यमंत्री श्री विष्णुदेव साय ह कहिन के स्वामी विवेकानंद युवा शक्ति के अमर प्रेरणास्रोत आयं। उनकर ओजस्वी विचार अउ मानवता ले भरे दर्शन ह सिरिफ भारत ल न ही, भलुक पूरा दुनिया ल आत्मविश्वास, सेवा अउ आध्यात्मिक जागरण के नवा रद्दा देखाइस।
मुख्यमंत्री श्री साय ह कहिन के स्वामी विवेकानंद के जीवन युवा मन ल ये सिखाथे के आत्मबल, चरित्र अउ सेवा-भाव ले ही राष्ट्र के निर्माण होथे। उनकर विचार आज घलो युवा मन ल आत्मनिर्भर, कर्तव्यनिष्ठ अउ देश के हित म समर्पित होय बर प्रेरित करथे।
मुख्यमंत्री श्री साय ह कहिन के छत्तीसगढ़ बर ये बड़ गौरव के बात आय के स्वामी विवेकानंद जी के जीवनकाल के एक महत्वपूर्ण समय राजधानी रायपुर म बीतिस। उनकर ले जुड़े सुरता मन न सिरिफ रायपुर के सांस्कृतिक पहिचान ल समृद्ध करथे, बल्कि प्रदेशवासी मन ल लगातार प्रेरणा घलो देथे।
मुख्यमंत्री श्री साय ह विश्वास जताइन के स्वामी विवेकानंद जी के दार्शनिक अउ वैचारिक मूल्य अवइया पीढ़ी बर मार्गदर्शक बने रहिही अउ छत्तीसगढ़ समेत पूरा देश के युवा शक्ति ल राष्ट्र सेवा अउ मानव कल्याण बर हमेशा प्रेरित करत रहिही।