बिलासपुर, मुख्यमंत्री श्री भूपेश बघेल के 25 फरवरी के बिलासपुर दौरा ल लेके प्रशासन ह जोर-शोर ले तियारी चलत हे। श्री बघेल ये बेरा म 313 करोड़ रूपिया के 388 विकास काम मन के सौगात देहीं। कलेक्टर डॉ. सारांश मित्तर अउ एसपी पारूल माथुर ह संघरा आज शहर म मुख्यमंत्री के प्रस्तावित कार्यक्रम स्थल मन के दौरा करिन। मुख्यमंत्री तिफरा फ्लाईओव्हर, प्लेनेटेरियम, राजीव गांधी जी के प्रतिमा म माल्यार्पण के बाद लाल बहादुर शास्त्री स्कूल म आयोजित कार्यक्रम म विकास काम मन के लोकार्पण अउ भूमिपूजन करहीं। श्री बघेल स्कूल मैदान म आयोजित आमसभा ल घलोक सम्बोधित करहीं। कलेक्टर-एसपी ह ए सबो प्रस्तावित स्थल मन के दौरा करके अधिकारी मन ल सफल आयोजन बर दिशा-निर्देश दीन। उमन विशेषकर रूट चार्ट, बैठक व्यवस्था, पार्किंग स्थल, पेयजल, बैरिकेटिंग आदि के आकलन कर ये संबंध म सुचारू व्यवस्था सुनिश्चित कर ओ.के.रिपोट प्रस्तुत करे ल कहे हें।
मुख्यमंत्री श्री भूपेश बघेल के 25 फरवरी के दौरा : कलेक्टर-एसपी ह करिस कार्यक्रम स्थल मन के निरीक्षण
