रायपुर, मुख्यमंत्री श्री भूपेश बघेल ह आज इहां अपन निवास कार्यालय म केंद्रीय कोयला अउ खान मंत्री श्री प्रहलाद जोशी के संग आयोजित वर्चुअल बैठक म छत्तीसगढ़ के हित मन ले संबंधित कई ठन विषय उपर अपन पक्ष मजबूती के संग रखिन। मुख्यमंत्री ह केन्द्रीय मंत्री ले छत्तीसगढ़ के हिस्सा के कोल ब्लाक मन म लगाए गए अकतहा लेवी के राशि 4169.86 करोड़ रूपिया छत्तीसगढ़ ल जल्द देहे, कोल रायल्टी के दर म बढ़ोत्तरी करे अऊ खदान मन ले लौह अयस्क के आरओएम के रायल्टी दर मन ल नोटिफाई करे के आग्रह करिन। उमन कहिन कि खदान मन म जानबूझके बड़ मात्रा म फाइन्स लौह अयस्क के उत्पादन करे जात हे। लम्प अऊ फाइन्स के रायल्टी म बड़ अंतर होए के सेती राज्य सरकार ल रायल्टी म बड़का क्षति होवत हे।
कोयला के रायल्टी दर म संशोधन करे जाए: श्री भूपेश बघेल
