कोसा ले महिला मन ल मिलीस स्वावलंबन के नवा रद्दा: कोकून अऊ कोसा धागा निर्माण ले जुडि़न दू हजार ले जादा महिला मन

कोरबा, कोसा के महीन धागा जीवन ल मजबूत आधार घलोक दे सकत हे, ये साबित होवत हे वनांचल क्षेत्र कोरबा म। इहां के 24 स्वावलंबन समूह के महिला मन टसर योजना ले अऊ 9 स्वावलंबन समूह के महिला मन मलवरी योजना ले जुड़के कोसा उत्पादन करत हें। ए समूह मन के कुल दू हजार ले जादा ग्रामीण महिला मन कोसा कृमिपालन के काम करत हें। कोसा कृमि के बनाय ककून ल बेचके महिला मन ल सालाना 50 ले 70 हजार तक के आमदनी होवत हे। संगेच कोसा धागा निकालके बेचे ले कई महिला मन ल अकतहा लाभ घलोक होवत हे। एखर से महिला मन के स्वावलंबन के न सिरिफ रद्दा मजबूत होए हे, भलुक ऊंखर परिवार के दैनिक जरूरत मन बर सहारा मिले हे। खान-पान, रहन सहन ले लेके लइका मन के शिक्षा जइसे कई जरूरत मन ल अब ये महिला मन पूरा कर पावत हें।