रायपुर,12 जनवरी 2021। प्रदेश म ठंड ह बीच म दस्तक देहे रहिस लेकिन ओखर बाद अभी मौसम के तापमान सामान्य हे। लेकिन प्रदेश म ठंड फेर ले बढ़े के आसार दिखत हे। मौसम विभाग के अनुसार प्रदेश म ठंड फेर ले बढ़े के संभावना हे। प्रदेश म उत्तर लेे ठंडा अउ शुष्क हवा आये के सेती न्यूनतम तापमान के संग अधिकतम तापमान म घलो गिरावट संभावित हे। न्यूनतम तापमान म गिरावट 15 जनवरी तक 4 ले 5 डिग्री सेल्सियस होय के संभावना हे। ये दौरान मौसम म नमी बने रही अउ आकाश मुख्यतः साफ रही। एखर ले प्रदेश के दक्षिणी भाग म हल्का बादल छाए रहे के सम्भावना हे, जेखर ले न्यूनतम तापमान म आज कोई विशेष परिवर्तन होय के संभावना नइ हे।
मौसम विभाग ह जारी करिस अलर्ट, बढ़ सकत हे ठंड, तापमान म 4 ले 5 डिग्री गिरावट होय के संभावना
