शीत लहर के प्रकोप ले मनखे मन ल बचाय बर सक्रियता ले जुटिस प्रशासनिक अमला

रायपुर, रैन बसेरा, वृद्धाश्रम अऊ आश्रय गृह मन म घलोक ठंड ले बचाय के अकतहा व्यवस्था के आदेश के संग छत्तीसगढ़ म घलोक शीत लहर के प्रभाव देखे जात हे अऊ कड़ाके के ठंड पड़त हे। अइसन म मुख्यमंत्री श्री भूपेश बघेल के निर्देश म मनखे मन ल ठंड अऊ शीत लहर ले बचाय बर सक्रियता ले प्रशासनिक अमला जुटे हे। जिला मन के कलेक्टर घलोक रात म चौक-चौराहा अऊ सार्वजनिक जगा मन म पहुंच के व्यवस्था मन के जायजा लेवत हें।
समाज कल्याण विभाग कोति ले सार्वजनिक स्थल विशेषकर चौक-चौराहा, रेल्वे स्टेशन, बस स्टैंड, यात्री प्रतीक्षालय आदि म रात्रि के समय अलाव के व्यवस्था सुनिश्चित करे जात हे। एखर संगेच स्वयंसेवी, समाजसेवी संस्था, दान-दाता मन के मदद ले बेसहारा अउ जरूरतमंद मनखे मन ल गरम कपड़ा अउ कम्बल आदि बांटे जात हे। रैन बसेरा, वृद्धाश्रम अऊ आश्रय गृह मन म घलोक बुजुर्ग, दिव्यांग अऊ लइका मन ल ठंड ले बचाय बर स्वेटर, शॉल, मंकी कैप, मफ्लर, मोजे, कम्बल प्रदान करे के संग हीटर अऊ कमरा मन ल ठंड ले सुरक्षित बनाए के अकतहा व्यवस्था करे जात हे। सार्वजनिक स्थल मन म जरूरतमंद बेसहारा, विक्षिप्त मनखे मन ल कंबल अऊ गर्म कपड़ा देहे जात हे।