रायपुर, संस्कृति मंत्री श्री अमरजीत भगत ह कहे हें कि राज्य सरकार छत्तीसगढ़ के कला संस्कृति ल सहेजइया अऊ संवारइया कलाकार मन के सहयोग बर हर-हमशा तईयार हे। प्रदेश के संस्कृति ल बढ़ावा देहे बर ये साल दुर्गोत्सव अउ दशहरा परब म 200 ले जादा कलाकार मन ल अवसर प्रदान करे गए हे। एखर बर कलाकार मन ल एक करोड़ 56 लाख ले जादा के राशि के भुगातान करे गए हे। दुर्गोत्सव अउ दशहरा परब म इहां के कलाकार मन ल सांस्कृतिक कार्यक्रम, मानस मंडलि आदि म भाग लेहे के अवसर उपलब्ध कराए बर लोक कलाकार मन ह मुख्यमंत्री श्री भूपेश बघेल अऊ संस्कृति मंत्री श्री अमरजीत भगत के प्रति अभार जताए हें।
संस्कृति मंत्री श्री भगत ह कलाकार मन के प्रशंसा करत कहिन कि स्थानीय कलाकार प्रदेश के संस्कृति अऊ कला ल सहेजे म महत्वपूर्ण योगदान देवत हें। कलाकार मन के ये योगदान ले आन कलाकार मन ल घलोक प्रेरणा अउ प्रोत्साहन मिलही। श्री भगत ह कहिन कि प्रदेश म नवरात्रि अऊ दशहरा धूमधाम ले मनाए गीस। ये शारदीय नवरात्रि पर्व म मुख्यमंत्री श्री भूपेश बघेल ह राम वन गमन पर्यटन परिपथ के तहत चंदखुरी म माता कौशल्या मंदिर के भव्य स्वरूप अउ भगवान श्री राम के 51 फिट के प्रतिमा संग सौन्द्रीयीकरण काम के लोकार्पण करिस। एखर उपलक्ष्य म तीन दिवसीय भव्य सांस्कृतिक कार्यक्रम के आयोजन करे गीस। ये आयोजन म छत्तीसगढ़ के कलाकार मन ह सांस्कृतिक प्रस्तुति ले दर्शक मन के मन मोह लीस। मंत्री श्री भगत ह ए आयोजन मन के सफलतापूर्वक संचालन बर संस्कृति विभाग के सराहना करिन।
