मुंगेली 01 मई 2021 इतवार। कलेक्टर श्री पी.एस एल्मा आज अपन भ्रमण के दौरान जिला के विकास खण्ड पथरिया के ग्राम पंचायत मुख्यालय चद्रखुरी के हेल्थ एन्ड वेलनेस सेंटर पहुँचिन अउ उन मन अतिगरीब अंत्योदय कार्ड म पंजीकृत 18 ले 44 बछर उममर वर्ग के जम्मो हितग्राही मन बर कोविड-19 टीकाकरण बर करे गे व्यवस्था मन के जायजा लीन। कलेक्टर श्री एल्मा ह कहीन कि कोरोना ल हरोए के एक मात्र उपाय टीकाकरण हवय। जम्मो हितग्राही मन ल कोविड-19 के टीका लगवाए के सलाह दीन। ओइसनेहे शासन कोति ले जारी दिशा-निर्देश मन संग मास्क के उपयोग , सामाजिक दूरी , सेनेटाइजर के उपयोग , घेरी —बेरी साबुन ले हाथ धोए के तको समझाईश दीन। ये बेरा म पथरिया अनुभाग के अनुविभागीय अधिकारी राजस्व सुश्री प्रिया गोयल तको संघरे रिहिन।
कलेक्टर श्री एल्मा अचानक पहुँचिन विकास खण्ड पथरिया के टीकाकरण केंद्र चद्रखुरी— तीसरइया चरण टीकाकरण अभियान के लीन जायजा
