विकासखंड शिक्षा अधिकारी केशकाल ल दीन नोटिस
कोण्डागांव 24 अप्रैल 2021षनिच्चर । आज कलेक्टर पुष्पेंद्र कुमार मीणा विश्रामपुरी अउ केशकाल के दौरा करीन । ये बेरा म उन मन केशकाल म नवा बने 100 बिस्तर के कोविड केयर सेंटर के निरीक्षण करीन] जिहां काली ले मरीज मन ल भर्ती करे के प्रक्रिया चालू कर देहे जाही] जम्मो बेवस्था आज पूरा कर देहे गे हे। तेकर पीछू उन केशकाल बसस्टैण्ड म बनाए कोविड टेस्टिंग सेंटर पहुचके वाहन मन के जांच व्यवस्था देखीन। जेकर पीछू कलेक्टर कोति ले विश्रामपुरी विकासखंड म टीकाकरण अभियान अंतर्गत टीकाकरण केंद्र मन म जाके टीकाकरण प्रक्रिया देखे गइन। इही बेरा उन मुंगबाड़ी टीकाकरण केंद्र म पहुंिचन जिहां के नोडल अधिकारी नियुक्त विकास खंड शिक्षा अधिकारी चेतन मण्डावी अनुपस्थित पाए गइन । कलेक्टर ह येला कार्य के प्रति गंभीर लापरवाही अउ उदासीनता मानत विकासखंड शिक्षा अधिकारी चेतन के विरुद्ध कारण बताओ नोटिस जारी करे के निर्देश देहे हे।
काली ले विश्रामपुरी अउ केशकाल के सेंटर हो जाही चालू
तिंकर पीछू कलेक्टर विश्रामपुरी स्थित 50 बिस्तर के कोविड केयर सेंटर पहुंचिन। जिहां कलेक्टर ह मरीज मन बर करे गेहे बेवस्था मन के जायजा लीन । इहां 10 बिस्तर मन म ऑक्सीजन के बेवस्था करे गे हे। ये दूनों केशकाल अउ विश्रामपुरी के कोविड केयर सेंटर काली ले कार्यशील हो जाही । एहू मन म मरीज मन के भर्ती तको चालू कर देहे जाही।
