मुंगेली 24 जून 2020// कलेक्टर श्री पी. एस. एल्मा ह कल 23 जून के जिला मुख्यालय के लकठा गाँव जमकोर म विगत चार साल ले निर्माणाधीन लाइलीवुड काॅलेज के औंचक निरीक्षण करिन। निरीक्षण के दौरान उहां उपस्थित लोक निर्माण विभाग के कार्य पालन अभियंता श्री एच अहिरवार ले निर्माण कार्य के लंबित होय के संबंध म जानकारी प्राप्त लीन । कलेक्टर श्री एल्मा ह कहीन कि नई पीढ़ी ल बढियां अउ रोजगार मूलक शिक्षा के साथ सब सुविधा उपलब्ध करवाय के राज्य शासन के प्राथमिकता हे। निर्माण कार्य लंबित होय ल अपन गहरा नराजगी व्यक्त करिन अउ निर्माणाधीन लाइलीवुड काॅलेज के निर्माण कार्य यथा शीघ्र पूरा करे के निर्देश दिन। 
लाइलीवुड काॅलेज के लकठा बालक-बालिका के लिए निर्माणाधीन छात्रावास भवन के संबंध म भी जानकारी प्राप्त करिन अउ छात्रावास भवन निर्माण कार्य गुणवत्ता के साथ शीघ्र पूरा करे के निर्देश दिन। एखर पहली कलेक्टर श्री एल्मा ह कार्यालय जनपद पंचायत मुंगेली, अनुविभागीय अधिकारी कृषि अउ कार्यालय उद्यान के भी आकस्मिक निरीक्षण करिन।
निरीक्षण के दौरान संबंधित अधिकारि ल आवश्यक निर्देश दिन। ये बखत म जिला पंचायत के मुख्य कार्य पालन अधिकारी श्रीमति नुपूर राशि पन्ना अउ जनपद पंचायत मुंगेली के मुख्य कार्य पालन अधिकारी सुश्री निकिता मरकाम घलो मौजूद रहिंन।