रायपुर, 9 मई 2020। मुख्यमंत्री श्री भूपेश बघेल के सोंच के मुताबिक छत्तीसगढ़ राज्य सहकारी दुग्ध मंहासंघ ह लॉकडाउन के समय घलोक राज्य के दुग्ध उत्पादक किसान मन के हित के ध्यान रखत न सिरिफ ऊंखर कोति ले उत्पादित दूध के संकलन करत हे भलुक दूध के खरीदी के एवज म महासंघ ह ये अवधि म 10 करोड़ रूपिया ले जादा के भुगतान घलोक दुग्थ उत्पादक किसान मन करे हे। कोरोना संक्रमण के सेती 23 मार्च ले जारी लॉकडाउन के बाद घलोक दुग्ध महासंघ ह कृषि मंत्री श्री रविन्द्र चौबे अउ अध्यक्ष श्री रसिक परमार के मार्गदर्शन म सुरक्षित तरीका ले दुग्ध संकलन के बेहतर कार्य-योजना तियार करके एला सुचारू रूप ले जारी घलोक रखे हे।
लॉकडाउन के चलते दूध अऊ दुग्ध पदार्थ मन के बिक्री अउ खपत म करीबन 50 फीसदी के गिरावट के बावजूद दुग्ध महासंघ के अधिकारी अउ कर्मचारी मन ह कृषि उत्पादन आयुक्त अउ प्रमुख सचिव श्रीमती मनिन्दर कौर द्विवेदी अउ प्रबंध संचालक श्री नरेन्द्र कुमार दुग्गा के मार्गदर्शन म दुग्ध उत्पादक सहकारी समिति मन के किसान मन के हित ल ध्यान रखत उंखर से दूध के खरीदी म कोनो प्रकार के कमी नइ आन देहे हें। दुग्ध महासंघ लॉकडाउन के शुरूआती दिन ले लेकर आज तक के कठिन हालत म घलोक किसान मन ले रोजाना 95 हजार लीटर दूध क्रय करत हे अउ संगेच समय-समय म किसान मन ल ओखर एवज म राशि के भुगतान घलोक करत हे।
