पहिली हमन कभू अतका पईसा नइ देखे रहेन, आज 12 ले 15 लाख रूपिया तक के करत हन खरीदी : सुमनी बघेल

जगदलपुर, नानगुर म भेंट मुलाकात कार्यक्रम के समय श्रीमती सुमनी बघेल ह बताइस कि वोखर समूह ह अभी हाल समय म वन धन योजना के तहत लघु वनोपज के संग्रहण के काम करत हे । जेखर अंतर्गत हर्रा, बहेरा, गिलोय, महुआ, इमली आदि के संग्रहण करे जात हे । वो ह मुख्यमंत्री ल बताइस कि आज ले 2 साल पहिली हमार पास कोनो काम नइ रहिस फेर आज ये योजना ले जुड़ के हम आर्थिक रूप ले सशक्त होवत हन। पहिली हमन कभू अतका राशि देखे नइ रहेन अऊ आज हमर समूह 12 लाख ले 15 लाख रुपिया तक के खरीदी करे म सक्षम हे । पहिली व्यापारी लघु वनोपज मन ल गांव वाले मन ले कम कीमत म खरीदके मोटा मुनाफा कमावत रहिन, फेर जब ले आप मन ह समर्थन मूल्य के दर निरधारित करे हव गांव वाले मन ल उचित मूल्य के जानकारी हो गे अऊ अब ओ मन निरधारित मूल्य म हमार तीर वनोपज विक्रय करके आर्थिक लाभ उठावत हें।
श्रीमती सुमनी ह मुख्यमंत्री ल बताइस कि पहिली व्यापारी गांव वाले मन ले अमली 25 रूपिया के दर ले खरीदत रहिन, अब ओ मन 33 रूपिया किलो के दर ले अमली हमला बेचके आर्थिक लाभ कमाए लगे हें। आप मन के ये योजना ले जुड़के हम सबो आर्थिक रूप ले सशक्त हो गए हन। पहिली हम दैनिक जरूरत के पूर्ति बर अपन पति उपर निर्भर रहेन। मोर पति सब्जी के खरीदी बर सिरिफ 500 रूपिया देत रहिस, फेर पांच सौ ह सब्जी के खरीदी बर अपर्याप्त रहिस। आज हम सबो महिला मन अपन पांव म खड़े हो गेन अऊ 500 के जगा 700 रूपिया तक के खरीदी करे म समर्थ होएन।