कलेक्टर अउ जिला निर्वाचन अधिकारी ह करिस स्ट्रांग रूम के जांच

दुर्ग, 14 मई 2024/ कलेक्टर अउ जिला निर्वाचन अधिकारी सुश्री ऋचा प्रकाश चौधरी ह काली श्री शंकराचार्य प्रोफेशनल विश्वविद्यालय जुनवानी भिलाई म स्ट्रांग रूम के जांच करिन। लोकसभा निवार्चन 2024 मतदान के बाद ईव्हीएम/वीवीपेट मशीन मन ल सुरक्षात्मक दृष्टिकोण ले स्ट्रांग रूम म रखे गए हे। कलेक्टर ह स्ट्रांग रूम के विधानसभावार कक्ष मन के अवलोकन करके सुरक्षा व्यवस्था के जानकारी लीन। उमन परिसर म लगे एलईडी टीवी स्क्रीन म प्रदर्शित दृष्य मन के घलोक अवलोकन करिन। जिला निर्वाचन अधिकारी सुश्री चौधरी ह परिसर के बाहरी व्यवस्था के संबंध म नोडल अधिकारी श्री ध्रुव ल जरूरी दिशा निर्देश दीन। उमन कहिन कि विधानसभावार ए.आर.ओ. नियमित निरीक्षण करयं अऊ स्थिति ले जिला निर्वाचन अधिकारी ल अवगत करावयं। कलेक्टर ह परिसर म स्ट्रांग रूम के निगरीनी बर तैनात राजनीतिक दल मन के प्रतिनिधि मन ले व्यवस्था आदि के संबंध म चर्चा घलोक करिन।
ए अवसर म अपर कलेक्टर अउ उप जिला निर्वाचन अधिकारी श्री बी.के.दुबे, अपर कलेक्टर श्रीमती योगिता देवांगन, भिलाई नगर निगम आयुक्त श्री देवेश ध्रुव, दुर्ग नगर निगम आयुक्त श्री लोकेश चन्द्राकर, एसडीएम दुर्ग श्री मुकेश रावटे, संयुक्त कलेक्टर श्री एच.एस.मीरी, डिप्टी कलेक्टर श्री लवकेश ध्रुव अउ श्री उत्तम ध्रुव संग लोक निर्माण, पीएचई विभाग के अधिकारी उपस्थित रहिन।