- सादा कागज म लिखे आवेदन ऊपर घलोक करव प्रभावी कार्रवाई
- कोरोना महामारी के समय सबो जिला मन के काम सहराये लाइक
- लोक सेवा गारंटी अधिनियम के आवेदन प्रक्रिया होही सरल
- कलेक्टर कॉन्फ्रेंस म मुख्यमंत्री ह कई ठन योजना अऊ कार्यक्रम मन के प्रगति के समीक्षा करिन
रायपुर 10 जून 2020/ मुख्यमंत्री श्री भूपेश बघेल ह आज निवास कार्यालय ले वीडियो कॉन्फ्रेंसिंग के साथ आयोजित कलेक्टर कॉन्फ्रेंस ल संबंधित करत कहिन के छत्तीसगढ़ कोरोना ले लड़ाई म जरूर जीतही। हमला थकना नइ हे, निराश नइ होना हे, बल्कि लऊहे ए लड़ाई ल लड़ना हे। कोरोना महामारी के समय सबो जिला मन के काम सहराये लाइक रहिस। इतवार, सनिवार संग सबो तिहार के दिन अधिकारी मन अऊ कर्मचारी मन ह काम करे हे, एखर बर सबो ल धन्यवाद। अभी आंकड़ा थोड़े बढ़े हे, फेर मोला विश्वास हे, जइसन आप मन अभी तक नियंत्रण करे हव आगू घलोक करहू।
मुख्यमंत्री ह कहिन के दुर्ग, रायपुर, बिलासपुर आईजी ह पैदल चलइया मन बर अच्छा काम करिस। प्रवासी मजदूर मन बर जरूरी व्यवस्था के संग चप्पल के घलोक व्यवस्था करे गइस। एखर संगेच कई ठन राज्य मन बर नामांकित नोडल अधिकारी मन ह प्रशंसनीय काम करिन। रायपुर जिला प्रशासन ह घलोक अच्छा काम करे हे। क्वारेंटाईन सेंटर म घलोक अच्छा व्यवस्था करे गए हे। क्वारेंटाईन सेंटर म अच्छा व्यवस्था जरूरी हे। औद्योगिक उत्पादन अऊ रोजगार देहे म छत्तीसगढ़ अगुवा रहे हे। ग्रामीण क्षेत्र मन के संग नगरीय क्षेत्र मन म घलोक रोजगार उपलब्ध कराए गए हे। कुछ औैद्योगिक इकाई मन ले बिना सूचना श्रमिक मन ल लाए गीस ये चिंतनीय हे। मनरेगा अंतर्गत ग्रामीण क्षेत्र मन म अच्छा काम होय हे। मनखे मन ल व्यापक रोजगार देहे गए हे। समय म मजदूरी भुगतान घलोक होय हे।
कॉन्फ्रेंस म मुख्यमंत्री श्री भूपेश बघेल ह आम जनता ल शासन के कई ठन योजना अउ कार्यक्रम मन के समय सीमा म लाभ देवाये बर लागू लोक सेवा गारंटी अधिनियम ल अऊ जादा प्रभावी बनाए के निर्देश दीन। उमन एखर तहत सादा कागज म मिलइया आवेदन मन ल घलव स्वीकार करके ओ म समय सीमा म कार्रवाई ठउका करे ल कहे हें।