सीआरपीएफ म चयनित होय म कलेक्टर ह युवा मन के करिन सम्मान

बालोद, 21 फरवरी 2021। डौण्डी विकासखण्ड के ग्राम खल्लारी के 6 युवा मन ल केन्द्रीय रिजर्व पुलिस बल म चयनित होय म कलेक्टर जनमेजय महोबे ह संयुक्त जिला कार्यालय के सभाकक्ष म ओमन ल प्रतीक चिन्ह प्रदान करके सम्मानित करिन। ओमन युवा मन के देश सेवा के प्रति जज्बा के तारीफ करिन अऊ उंखर उज्जवल भविष्य बर बधाई अऊ शुभकामना दीन। सम्मानित होवइया युवा म भुनेश्वर पिता राधेलाल, जितेन्द्र पिता राधेलाल, भुनेश्वर पिता बालाराम, ढालेश्वर पिता नंदलाल, अजय पिता बृहमोहन अऊ केदारनाथ पिता खोरबाहरा राम शामिल हे। जिला शिक्षा अधिकारी आरएल ठाकुर ह बतइन कि उक्त 6 युवा शासकीय हायर सेकेण्डरी स्कूल खल्लारी म अध्ययन करे हे, जोन भर्ती परीक्षा उत्तीर्ण करके केन्द्रीय रिजर्व पुलिस बल म चयनित होय हे। ये अवसर म अपर कलेक्टर डॉ.एके बाजपेयी, जिला पंचायत के मुख्य कार्यपालन अधिकारी लोकेश कुमार चन्द्राकर, शासकीय हायर सेकेण्डरी स्कूल खल्लारी के प्राचार्य आदि उपस्थित रिहिन।