दंतेवाड़ा, 22 अप्रैल 2021 बिरस्पत । कलेक्टर श्री दीपक सोनी ह वीडियो कॉन्फ्रेंसिंग ले समाज सेवी संस्था मन ले बात करीन। कहीन जिला प्रशासन कोरोना ले सुरक्षा अउ बचाव बर सरलग प्रयास करत हावय । कहूं जम्मो समाज सेवी संस्था मन तको हमार संग एकजुट होके बूता करही त अउ बने जोरदरहा प्रयास होही । लोगन मन म भरम झन रहय। न तो इहां बैड के कमी हे न आक्सीजन या दवई मन के । कोरोना के टीका तको बने सुरक्षित हवय कोनो प्रकार के भय नइ हे, भलकुन जेन मन टीका लगवाए हे उन मन उपर वायरस के प्रभाव कम होथे । कोनो कहूं डेरवाय या भ्रमित करइया पोस्ट करत हे त तुरते कोविड कंट्रोल रूम म कॉल करके बतावयं उन्कर विरुद्ध कार्रवाई करे जाही। श्री सोनी ह समाज सेवी संस्था मन ल लोगन ल टीकाकरण करवाए बर प्रेरित करे बर , सोशल डिस्टेंस, हैंड सैनिटाइजेशन, लॉकडाउन म घरेच म रहे आदि बर जागृत करे बर , कोनो परिवार या मनखे तीर राशन के कमी हे त सीएमओ या जनपद सीईओ ल बताए बर , लोगन मन ल घर पहुंच बैंक सुविधा बैंक सखी, वीएलई या आने सुविधा द्वारा उपलब्ध करवाए बर, होम डिलीवरी बर वालेंटियर्स, क्वारंटाइन सेंटर मन म काउंसलिंग, फल या सब्जी कोनो किसान के बर्बाद झन होवय अउ आने प्रकार के बूता जउन वोमन करना चाहत हे आगू आवय अउ जिला प्रशासन के संग देवयं। बइठका म वान्या, बचपन बनाओ, प्रगति प्रयास, निर्माण, सामायता मठ, ग्रामोदय, भोर समाज सेवी संस्था मन ह हिस्सा लीन अउ मिलके बूता करे बर अपन सहमति दीन। बइठका मं एनआईसी कक्ष ले कलेक्टर श्री दीपक सोनी के संग सीईओ जिला पंचायत श्री अश्वनी देवांगन, एसडीएम श्री अबिनाश मिश्रा, डिप्टी कलेक्टर सुश्री आस्था राजपूत, डीपीएम श्री संदीप ताम्रकार संघरे रिहिने।
लउछरहा..
सड़क खोदइया नक्सली मन ह करिन सरेंडर
दंतेवाड़ा, 13 May 2024। लोन वर्राटू अभियान के तहत दू माओवादी मन ह दंतेवाड़ा पुलिस के...23 नक्सली मन करिन आत्मसमर्पण
दंतेवाड़ा, 29 अप्रैल 2024। हिंसा के रद्दा छोड़के समाज के मुख्यधारा म सामिल होए अऊ लोन...18 नक्सली मन ह करिन आत्मसमर्पण
दंतेवाड़ा 24 अप्रैल 2024। प्रदेश के नक्सल प्रभावित क्षेत्र ले एक पईत फेर बड़का खबर आए...