सक्ती, सक्ती कलेक्टर श्रीमती नुपूर राशि पन्ना ह सामुदायिक स्वास्थय केन्द्र जैजैपुर के तको उदुपहा जांच करिस। जेमां अस्पताल के सफाई बर सीएमओ नगर पंचायत जैजैपुर ल सफाई कर्मी भेजके सफाई कराए के हुकुम देहे गीस। जांच के बेरा म सामुदायिक स्वास्थ्य केन्द्र जैजैपुर म पदस्थ नेत्र सहायक अउ काउसलर दुनों अनुपस्थित रहिन। कलेक्टर ह दूनो ल नोटिस जारी करे बर कहिन।
जैजैपुर म स्वास्थ्य पंचायत दिवस तको आज मनाए गीस, तेमा मितानिन मन ह नशा मुक्ति के बारे म नाटक प्रस्तुत करिन। जेला कलेक्टर मैडम ल सहराईन। ये कार्यक्रम म केशव प्रसाद चंद्रा विधायक जैजैपुर, माधुरी टेकचंद चंद्रा सदस्य जिला पंचायत जांजगीर-चाम्पा, मनहरण मनहर बसपा नेता, किशन साहू जनपद सदस्य, डाक्टर प्रसाद चन्द्रा, सरपंच गण अउ आन जनप्रतिनिधि उपस्थित रहिन।
कलेक्टर नुपूर राशि पन्ना ह सामुदायिक स्वास्थय केन्द्र जैजैपुर के तको करिस उदुपहा जांच
