सक्ती, मुख्यमंत्री भूपेश बघेल के हुकुम के मुताबिक अऊ कलेक्टर श्रीमती नूपुर राशि पन्ना के बताए मुताबिक जिला के सड़क मन के मरम्मत के काम लउहे-लउहु करे जात हे। इही कड़ी म आज बिरसपत के सक्ति कलेक्टर नूपुर राशि पन्ना ह कचंदा मोड़ जैजैपुर ले कचंदा तक के उदुपहा जांच करिन। जेमां एडीबी के ठेकेदार के धीरे-धीरे काम करई अऊ बने सहिन मशीनरी के व्यवस्था नई होए म कलेक्ठर मेडम ह ठेकेदार बर बगियाईन अऊ जल्दी काम पूरा करे के हुकुम दीन। कलेक्टर ह सड़क निर्माण के बारिकी से जांच करत संबंधित अधिकारी अऊ उपस्थित ठेकेदार ल गुणवत्तापूर्ण निर्माण काम करे ल कहिन। कलेक्टर ह डामर के प्रतिशत के जांच करत पेवर यंत्र ले परीक्षण करवाइन। बनत सड़क ल कम्प्रेसर मशीन ले व्यवस्थित रूप ले समतल करे के निर्देश दीन।
सक्ती : कलेक्टर नूपुर राशि पन्ना ह एडीबी रोड जैजैपुर के करिस उदुपहा जांच
