बायपास के मुआयना करे बर दुर्ग कलेक्टर पहुंचिन बाफना टोल नाका

दुर्ग 07 जुलाई 2020। कलेक्टर डॉ. सर्वेश्वर नरेंद्र भूरे आज बाफना टोल नाका पहुंचिन। उमन इहां पीडब्ल्यूडी कोति ले बनाए जाने वाले बायपास सड़क के मुआयना करिन। पीडब्ल्यूडी अधिकारी मन ह प्रस्तावित मार्ग के नक्शा कलेक्टर ल देखाइन। पीडब्ल्यूडी के कार्यपालन अभियंता श्री अशोक श्रीवास ह बताइस के प्रस्तावित बायपास करीबन 29 किमी के होही। ये मा आबादी वाले हिस्सा कवर हो पाही। कलेक्टर ह प्रस्तावित नक्शा के अध्ययन करके अपन इनपुट दीन। उमन कहिन के प्रस्तावित मार्ग म ये बात के ध्यान रखव के रूट ले जादा ले जादा आबादी कवर हो सकय। रूट के दूरी घट सकय। बायपास के सेती दूरी घट सकही अऊ दुसर सड़क मन म घलोक दबाव कम होही। अधिकारी मन ह बताइन के बायपास के सेती हाईवे म घलोक प्रेशर घटही, संगेच दुर्ग शहर के आसपास के प्रमुख गांव मन ल घलोक बेहतर कनेक्टिविटी मिल पाही।
अइसे हे रूट– दुर्ग के टोल प्लाजा दुर्ग-धमधा-बेमेतरा मार्ग जेउनी बाजू ले जेवरा-सिरसा-कुटेलाभाठा- अवंती बाई चौंक कोहका, सदभावना चौंक- वैशाली नगर गौरवपथ छावनी- मार्ग, उमदा-पथर्रा दादर-जंजगिरी-कुम्हारी- अहिवारा- बेमेतरा मार्ग ले जेउनी बाजू कुम्हारी चौंक रायपुर मार्ग तक।