जांजगीर-चांपा: जनदर्शन म पहुंचे मनखे मन ले ओसरी-पारी मुलाकात करके कलेक्टर ह गंभीरता ले उंखर समस्या मन ल सुनिन

जांजगीर-चांपा, 04 मार्च 2024। कलेक्टर श्री आकाश छिकारा ह आज कलेक्टोरेट कार्यालय के सभाकक्ष म सबो जिला स्तरीय विभागीय अधिकारी मन के उपस्थिति म जनदर्शन कार्यक्रम के माध्यम ले जिला के कई जगा ले पहुंचे आम मनखे मन ले ओसरी-पारी मुलाकात करके पूरा गंभीरता ले उंखर समस्या मन ल सुनिन अऊ संबंधित अधिकारी मन ल जल्दी कार्यवाही करे के निर्देश दीन। आज जनदर्शन म कुल 160 आवेदन प्राप्त होइस।
जनदर्शन म जांजगीर के विकासखंड बलौदा के ग्राम बिरगहनी निवासी श्रीमती सीमा कुर्रे ह राशनकार्ड ले संबंधित, श्रीमती लीला यादव जमीन नामांतरण करवाए, शिवरीनारायण निवासी श्री राकेश सिंह ह भू-आबंटन कराए, ग्राम चुरतेला निवासी अनन्या रोहिदास ह ट्राई साइकिल देवाए, जांजगीर के श्री अलगू सिंह चौहान ह इलेक्ट्रिक साइकिल देवाए, ग्राम पंचायत सिवनी के सरपंच श्रीमती लखे कुमारी राठौर ह अवैध कब्जा हटवाए, ग्राम पंचायत पनोरा निवासी श्री दशरथ निवासी ह वन जमीन के पट्टा देवाए, जांजगीर निवासी श्री किरण कुमार साहू ह सीमांकन कराए संबंधी आवेदन लेके पहुंचे रहिन। कलेक्टर ह उपस्थित सबो संबंधित अधिकारी मन ल आवेदन मन के जल्दी निराकरण करे के निर्देश दीन। अइसनहे जनदर्शन म आए कई ठन आवेदक मन वन अधिकार पट्टा देवाए, रोजगार देवाए, नामांतरण, जमीन सीमांकन, आर्थिक सहायता, प्रधानमंत्री आवास योजना, पीएम किसान सम्मान निधि, राशन कार्ड बनाए के संग कुल 160 आवेदन आइस। कलेक्टर ह प्राप्त सबो आवेदन मन ल पूरा गंभीरता ले सुनत सबो संबंधित विभाग मन ल उचित कार्यवाही करत प्राथमिकता के संग समय-सीमा म निराकरण करे के निर्देश दीन।