गौरेला-पेंड्रा-मरवाही, रायपुर, 11 अप्रैल 2020। कलेक्टर श्रीमती शिखा राजपूत तिवारी ह काली जिला के सीमावर्ती गांव मन के सघन भ्रमण करके कोरोना संक्रमण के दुष्प्रभाव ल रोके शासन कोति ले जारी दिशानिर्देश अउ जनकल्याणकारी योजना मन के क्रियान्वयन के जायजा लीन। उमन निरीक्षण के समय मरवाही विकासखंड के ग्राम गुल्लीडांड म पंचायत सचिव कु. राजकुमारी राज कोति ले जरूरतमंद परिवार बर 2 क्विंटल चावल अउ 50 किलो दाल के व्यवस्था नइ करे म जबर नाराजगी व्यक्त करिन अऊ ग्राम पंचायत सचिव कु. राजकुमारी राज ल तुरंते निलंबित कर देहे हें।
कलेक्टर ह मरवाही विकासखंड के ग्राम पंचायत पीपरडोल के सचिव श्री शिव तिवारी अऊ ग्राम पंचायत करगीकला के सचिव श्री धीरज तिवारी ल निरीक्षण के समय जरूरतमंद परिवार बर 2 क्विंटल ले कम राशन रखे म कारण बताओ नोटिस जारी करे हें।
उमन कहिन के कोरोना संक्रमण ले उत्पन्न लाकडाउन के स्थिति के समय शासन कोति ले देहे गे निर्देश के पालन नइ करना बड़का लापरवाही अउ उदासीनता के सूचक ये। उमन कहिन कि ये प्रकार के लापरवाही अउ उदासीनता पाए जाय म कड़क कार्यवाही संबंधित कर्मचारी मन के विरुध्द करे जाही।
जानबा हे के कलेक्टर अउ जिला दण्डाधिकारी श्रीमती शिखा राजपूत तिवारी कोति ले गौरेला-पेंड्रा-मरवाही जिला म नोवल कोरोना वायरस (कोविड-19) संक्रमण ल ध्यान म रखत संपूर्ण जिला म लॉकडाउन के आदेश जारी करे गए हे। ये बात ल देखत कलेक्टर अउ जिला दण्डाधिकारी श्रीमती शिखा राजपूत तिवारी ह जिला के हरेक ग्राम पंचायत म दू-दू क्विंटल चावल अउ 50 किलो दाल आवश्यकता के मुताबिक व्यवस्था करे बर ग्राम पंचायत मन ल आदेश जारी करे रहिन। कलेक्टर ह काली ग्रामीण क्षेत्र के भ्रमण करत शासन के जनकल्याणकारी दिशानिर्देश मन के पालन के स्वयं जायजा लीन। उमन कहिन के शासकीय उत्तरदायित्व मन के निर्वहन म उदासीनता बरतइया कोनो कर्मचारी ल छोड़े नइ जाए अउ कड़क कार्यवाही करे जाही।
कलेक्टर ह सबो जनपद पंचायत के मुख्य कार्यपालन अधिकारी मन ल निर्देश दे हें हें के अनिवार्य रूप ले जिला के सबो ग्राम पंचायत म जरूरतमंद परिवार मन बर 2-2 क्विंटल चावल अउ 50-50 किलो दाल के उपलब्धता सुनिश्चित करव अऊ नियमित रूप ले उपलब्धता के निरीक्षण घलोक करव।
