शिक्षक मन के अटैचमेंट खतम करव, संकुल के शिक्षक मन ल घलोक क्लास लेहे भेजव : श्री तारन प्रकाश सिन्हा

कलेक्टर ह डभरा म लीन ब्लॉक स्तरीय अधिकारी मन के बैठक
जांजगीर-चाम्पा, कलेक्टर श्री तारन प्रकाश सिन्हा ह काली जनपद पंचायत डभरा म विकासखण्ड स्तरीय अधिकारी मन के बैठक लीन अऊ हुकुम दीन के शासन के योजना मन के समय म क्रियान्वयन सुनिश्चित करव। निर्माण काम मन के जांच करे के संग गुणवत्तापूर्ण काम करे जाए। स्कूल मन म शिक्षक मन के उपस्थिति समय म होवय अऊ निरधारित समय तक उपस्थित रहयं ये घलोक सुनिश्चित करे जाए। उमन शिक्षक मन के अटैचमेंट खतम करे के निर्देश देवत बीईओ ल निर्देशित करिन कि संकुल म पदस्थ शिक्षक मन ले घलोक अध्यापन करावयं।
समीक्षा बैठक म कलेक्टर श्री सिन्हा ह राजीव गाँधी किसान न्याय योजना, राजीव गाँधी कृषि मजदूर भूमिहीन न्याय योजना,राजीव युवा मितान क्लब के गठन के जानकारी लीन। उमन महिला बाल विकास विभाग के अधिकारी अऊ बीएमओ ल निर्देशित करिन कि ब्लॉक म कुपोषण के शिकार सबो लइका मन ल मध्यम म लाय खातिर विशेष अभियान चलावयं। गर्भवती महिला मन के हीमोग्लोबिन जांच करके एनीमिक महिला मन ल स्वस्थ बनावयं। अइसनहे लइका मन अऊ महिला मन के स्वास्थ्य के जांच हर 15 दिन म करव। कलेक्टर ह कोरोना वैक्सीनेशन अंतर्गत प्री-कॉशन डोज बर घलोक अभियान चलाय के निर्देश दीन। उमन बारिश के मौसम म उल्टी-दस्त फइलइया क्षेत्र मन म स्वास्थ्य शिविर लगाय अऊ दवा वितरण करे के निर्देश दीन। कलेक्टर ह स्व सहायता समूह मन कोति ले उत्पादित चीज मन ल स्कूल, छात्रावास, आश्रम, आंगनबाड़ी संग स्वास्थ्य केंद्र मन म क्वालिटी अऊ कीमत देखके क्रय करे के निर्देश दीन। उमन राशन कार्ड, जल जीवन मिशन अंतर्गत नल कनेक्शन, अमृत सरोवर योजना,धन्वंतरि मेडिकल दुकान, शहरी स्लम स्वास्थ्य योजना अंतर्गत संचालन मोबाइल मेडिकल यूनिट के संचालन के जानकारी घलोक लीन।