गरियाबंद, 7 सितंबर 2020। जिला कलेक्ट्रेट ल अवइया 72 घंटा बर बंद कर दे गे हे, कलेक्टर छतर सिंह डेहरे ह आज एक आदेश जारी करके एकर घोषणा करे हे। कलेक्ट्रेट कर्मचारी मन के कोरोना संक्रमित मिले के बाद ये निर्णय ले गे हे।
बतादन कि शनिवार 5 सितंबर के कलेक्ट्रेट के 8 अधिकारी-कर्मचारी के कोरोना रिपोर्ट पॉजिटिव आए रिहिस। एकर बाद कलेक्ट्रेट म हड़कंप मच गे रिहिस। ओकर बाद म कलेक्ट्रेट के सबो अधिकारी अउ कर्मचारी मन के कोरोना जांच कराये गिस।
