रायगढ़,18 सितंबर 2020। हैकर मन के हौसला अतेक बुलंद हे कि उमन अब आईएएस अउ आईपीएस अधिकारी मन के अकाउंट घलो हैक करे ले परहेज नइ करत हे। रायगढ़ जिला के कलेक्टर भीम सिंह के फेसबुक अकाउंट ल घलो नइ छोड़िस । कलेक्टर भीम सिंह के फेसबुक आईडी ल हैकर मन ह हैक कर लिस। कलेक्टर भीम सिंह ह सोशल मीडिया म अउ ट्वीट के जरिया अकाउंट हैक होय के जानकारी दीस। कलेक्टर के डाहर ले सिटी कोतवाली म ये संबंध म शिकायत घलो करिन हे जेकर बाद म साइबर सेल के टीम जांच करत हवे।
एकर पहली एसपी संतोष सिंह ह घलो सोशल मीडिया म लोगन मन ल उकर नाम के फेक आईडी ले सचेत रहे बर लोगन मन ल आगाह करे रिहिस।
