पलायन मतदाता मतदान करे आहीं अपन घर – घर आ जा संगी के तहत अब तक 1295 मन ह देहे हें अपन सहमति

दुर्ग, 26 अपरेल 2024। जिला प्रशासन ह लोकसभा निर्वाचन 2024 म शत्-प्रतिशत् मतदान करवाए बर रंग रंग के पहल करे जात हे। इही कड़ी म जिला दुर्ग ले पलायन कर गए मतदाता मन ल मतदान दिवस 07 मई 2024 के घर आके अपन मतदान केन्द्र म मतदान करे बर व्यापक स्तर म प्रयास करे जात हे। उप जिला निर्वाचन अधिकारी अउ अपर कलेक्टर श्री बी.के. दुबे ह बताइस कि एखर बर ’घर आ जा संगी’ योजना के क्रियान्वयन करे जात हे। ये योजना म जनपद पंचायत दुर्ग, धमधा अउ पाटन अउ  नगरीय परिषद अउ नगर पंचायत कुम्हारी, अमलेश्वर, अहिवारा, जामुल, धमधा, पाटन, उत्तई के संग ग्रामीण क्षेत्र अउ नगरीय क्षेत्र ले पलायन करके दूसर जिला अउ राज्य म काम करत मजदूर मन ले फोन अउ वीडियो कॉल के माध्यम ले संपर्क करके मतदान दिवस म मतदान करे बर अपन गांव घर आए के आग्रह करे जात हे। अभी तक जिला म 1309 पलायन मतदाता मन ले संपर्क करे गए हे। जिला ले 1295 पलायन मतदाता मन ह मतदान दिवस गांव घर आ के मतदान करे बर अपन सहमति देहे हें। जनपद पंचायत दुर्ग ले 45, जनपद पंचायत धमधा ले 583, जनपद पंचायत पाटन ले 514, नगर पालिका परिषद कुम्हारी ले 38, नगर पालिका परिषद अमलेश्वर ले 18, नगर पालिका परिषद अहिवारा ले 37, नगर पंचायत पाटन ले 51 अऊ नगर पंचायत उतई ले 9 मजदूर मन ह मतदान करे के सहमति देहे हें।