रायपुर: वाणिज्य अऊ उद्योग मंत्री श्री लखनलाल देवांगन ह विभागीय काम-काज के करिन समीक्षा

रायपुर, 10 जनवरी 2024। वाणिज्य, उद्योग अऊ सार्वजनिक उपक्रम विभाग के मंत्री श्री लखनलाल देवांगन ह आज मंत्रालय महानदी भवन म विभागीय कार्य के समीक्षा करिन। श्री देवांगन ह अधिकारी मन ल राज्य के औद्योगिक क्षेत्र मन म इकाई मन बर आबंटित जमीन म उद्योग स्थापना नइ करइया इकाई मन के विरूद्ध नियमानुसार कार्यवाही के निर्देश देहे गीस। बैठक म सूक्ष्म, छोटे मध्यम अऊ वृह्द उद्योग मनके विकास, औद्योगिक नीति के अंतर्गत उद्योग मन ल राज्य के कई ठन योजना मन के अंतर्गत सहायता, सार्वजनिक उपक्रम के काम संग राज्य निवेश प्रोत्साहन बोर्ड, सीएसआईडीसी, पंजीयक फर्म व संस्था के गतिविधि अऊ वाष्पयंत्र काम मन संग कई ठन विभागीय योजना मन के विस्तार ले समीक्षा करे गीस। उमन अधिकारी मन ले कहिन कि शासन के योजना मन के लाभ हितग्राही मन ल सही समय म देवाए के ठउका करव।
बैठक म सचिव उद्योग मोहम्मद कैसर अब्दुल हक, संचालक उद्योग सह प्रबंध संचालक (सीएसआईडीसी) श्री पी. अरूण प्रसाद, संयुक्त सचिव उद्योग श्री आलोक त्रिवेदी संग विभागीय अधिकारी उपस्थित रहिन।