कोरबा, 02 अकटूबर 2024। वाणिज्य उद्योग अऊ श्रम मंत्री श्री लखन लाल देवांगन आज बुधवार के गांधी जयंती म कोरबा नगर निगम क्षेत्र के वार्ड नंबर 48 सुमेधा म स्वच्छता अभियान म सामिल होइन। मंत्री श्री देवांगन ह आन जनप्रतिनिधि मन के संग झाड़ू लगाके स्वच्छता के संदेश दीन। संगेच सबो मन नगर ल स्वच्छ बनाए के संकल्प लीन। उमन कहिन कि स्वच्छता ले बड़े कोनो सेवा नइ हे। हम जेन जइसे घर म स्वच्छता अऊ सफाई रखथन, वइसनहे सार्वजनिक जगा अउ बाहिर म घलोक सफाई के ध्यान रखना चाही। कचरा फेंके बर डस्टबिन के उपयोग करव। कुछ अइसे उपाय अपनाके हम न केवल स्वच्छता ल बढ़ावा दे सकत हन, भलुक खुद ल घलोक स्वस्थ रख सकत हन।
जानबा हे कि प्रधानमंत्री श्री नरेन्द्र मोदी ह आज ले 10 साल पहिली बापू अऊ शास्त्री जयंती के अवसर म स्वच्छ भारत अभियान के शुरूआत करे रहिन। जेखर बेहतर प्रतिसाद मिलीस। प्रदेश सरकार ह हाल ही म स्वच्छता ही सेवा पखवाड़ा के आयोजन करे रहिस।
ए अवसर म जिला उपाध्यक्ष प्रफुल्ल तिवारी, नरेंद्र पाटनवर, मंडल अध्यक्ष ईश्वर साहू, सुनिल भटपहरे, राधे यादव, बुधवार यादव, विजय साहू, नारायण सिंह ठाकुर, अनिल यादव, राज जायसवाल, किशन कैवर्त, संजय कुर्मवंशी, नारायण राजपूत, सुखदेव प्रजापति संग गणमान्य नागरिक उपस्थित रहिन।
