भारत सिंह साहू के पाछू दू महिना ले बिजली बिल माइनस म

महासमुंद, भारत सरकार कोति ले चालू करे गए पीएम सुरुज घर मुफ्त बिजली योजना आम नागरिक मन खातिर ऊर्जा आत्मनिर्भरता के दिशा म एक प्रभावी कदम साबित होवत हे। ए योजना के उद्देश्य देश के आवासीय परिवार मन ल अपन बिजली खुद उत्पन्न करे खातिर प्रोत्साहित करना हे। एखर अंतर्गत 5 किलोवाट तक के सोलर रूफटॉप सिसटम म केंद्र सरकार कोति ले 78,000 रुपिया अऊ राज्य सरकार कोति ले 30,000 रुपिया तक के सब्सिडी देहे जात हे। ए पहल ले आम जनता ल आर्थिक राहत मिलत हे, संगेच अक्षय ऊर्जा ल घलोक बढ़ावा मिलत हे। महासमुंद जिला के बहुत अकन नागरिक ए योजना के लाभ उठावत हें अऊ अपन अनुभव साझा करत हें।
महासमुंद के कौशिक कॉलोनी के रहवइया श्री भारत सिंह साहू ह बताइस के उमन अपन घर के छत म 5 किलोवाट क्षमता के सौर पैनल सिसटम स्थापित कराए हें। ओ मन ल टीवी अऊ समाचार पत्र के माध्यम ले ए योजना के बारे म पता चलिस अऊ ए बादही उमन योजना के जानकारी जुटाके आवेदन करिन। पंजीकृत वेंडर ले सोलर सिसटम स्थापित करे के बाद पाछू दू महिना ले अब ओखर बिजली बिल शून्य हो गए हे, संगेच क्रेडिट यूनिट के घलोक लाभ मिलत हे। श्री साहू ह कहिस, बिजली बिल नही के बराबर रहि गए हे अऊ सबले बड़े बात ये हे के ये निवेश मात्र दू-तीन साल म ही वसूल हो जाही। एखर बाद मुफ्त बिजली के संगे-संग अकतहा आय घलोक होही। श्री साहू ह प्रधानमंत्री श्री नरेन्द्र मोदी अऊ मुख्यमंत्री श्री विष्णु देव साय के आभार जताइस अऊ मनखे मन ले अपील करिस के हर घर ल ए योजना ले जुड़ना चाही। आज हम सिरिफ उपभोक्ता न ही, बल्कि बिजली उत्पादक अऊ पर्यावरण रक्षक घलोक बन सकत हन।