संभाग अऊ जिला प्रशासन के अधिकारी मन ह श्री महावर के कार्यकाल ल करिन सुरता

बिलासपुर, संभागायुक्त श्री टी सी महावर के स्थानांतरण म संभाग अउ जिला प्रशासन के अधिकारी मन कोति ले भावभीनी विदाई दे गइस। ऊंखर कविता संग्रह शब्दों ले परे के जइसन उंखर विदाई समारोह घलोक रहिस। समारोह म मौजूद सबो अधिकारी मन ह ओ मन ल बेहतरीन अधिकारी बताइन। ए अवसर म श्री महावर ह कहिन कि आप मन ले मिले सहयोग अऊ स्नेह बर मैं हमेशा आभारी रइहूं। मैं अभी घलोक अपन आप ल प्रोबेशनर ही समझथंव अऊ हमेशा लर्निंग मोड म रहिथंव। इही सेती मोला हर रोज एक नवा सबक सीखे ल मिलथे। सेवा के समय मोर हमेशा कोसिस रहिस के अधीनस्थ ल फालतू तनाव झन दंव। काबर के काम बर बेहतर वातावरण तइयार करके आप जादा आउटपुट ले सकत हव। जऊन पद म हम काम करथंन ओखर गरिमा के ख्याल हमला रखना चाही। प्रशासनिक अधिकारी मन के आचरण अइसे होना चाहि कि नागरिक मन के आघू उदाहरण प्रस्तुत कर सकयं। जेखर से आप मन के जाय के बाद घलोक मनखे आप मन ल याद रखयं।