लॉकडाउन के बेरा म पेयजल व्यवस्था दुरूस्त रखे बर आयुक्त ऋतुराज रघुवंशी ह दीन निर्देश

दुर्ग, 28 मार्च 2020। कोविड – 19 कोरोना वायरस के संक्रमण ल रोके बर 24 मार्च 2020 के रात 12 बजे ले 21 दिन तक पूरा लॉकडाउन करे गए हे। नगर पालिक निगम, भिलाई क्षेत्र म पेयजल व्यवस्था सुचारू रूप ले संचालित करे अउ नागरिक मन ल पेयजल प्रदाय रोजे ठउका करे बर निगम के अमला सक्रिय हे। जलशोधन संयंत्र विभाग के कर्मचारी पूरा भिलाई निगम क्षेत्र म जलप्रदाय बर काम करत हे। निगम आयुक्त ऋतुराज रघुवंशी ह जल प्रदाय व्यवस्था ल ठउका बनाए बर आर.के. साहू, अधीक्षण अभियंता अउ सत्येन्द्र सिंह, अधीक्षण अभियंता ल एखर जिम्मेदारी देहे हें। अभी के स्थिति ल देखत पेयजल व्यवस्था म कोनो प्रकार के उदासीनता बरते जाय म इंकर विरुद्ध अनुशासनात्मक कार्यवाही के अनुशंसा करे के उल्लेख जारी आदेश म करे गए हे।