अब तक 3,845 सामुदायिक वन संसाधन अधिकार मान्य

रायपुर, छत्तीसगढ़ राज्य देश म वन अधिकार अधिनियम के क्रियान्वयन म अग्रणी राज्य हे। पाछू चार बछर म 54 हजार 518 व्यक्तिगत वन अधिकार पत्र बांटे गए हे, जेखर कुल रकबा 30 हजार 46 हेक्टेयर हे। अइसनहे सामुदायिक वन अधिकार के 23 हजार 982 वन अधिकार पत्र बांटे गए हे, जेखर कुल रकबा 11 लाख 77 हजार 212 हेक्टेयर हे। राज्य शासन कोति ले सामुदायिक वन संसाधन अधिकार मन के क्रियान्वयन म घलोक पहल करे गए हे। अब तक जिला मन म 3 हजार 845 सामुदायिक वन संसाधन अधिकार मान्य करे गए हे। एखर अंतर्गत 16 लाख 60 हजार 301 हेक्टेयर जमीन के संरक्षण, प्रबंधन के अधिकार ग्राम सभा मन ल देहे गए हे।
मुख्यमंत्री श्री भूपेश बघेल के सरकार के वन अधिकार पत्र के वितरण के महत्वकांक्षी योजना हे। राज्य शासन कोति ले स्थानीय वन निवासी सामुदाय के कई वनाअधिकार मन ल मान्यता देहे के दिशा म प्रतिबद्धतापूर्वक सतत् प्रयास करे जात हे, ताकि वन अधिकार अधिनियम 2006 म बताए गए कई प्रकार के वनाधिकार ओ मन ल मिल सकय।