रायपुर, छत्तीसगढ़ के अनुसूचित जनजाति अऊ आन परम्परागत वनवासी मन ल जागरूक करे प्रदेश म 15 अगस्त ले 26 जनवरी तक सामुदायिक वन संसाधन अधिकार जागरूकता अभियान चलाए जाही। ये अभियान के एक कैलेंडर तियार करे गए हे, जेखर विमोचन विश्व आदिवासी दिवस म 9 अगस्त के मुख्यमंत्री भूपेश बघेल ह करिन।
सामुदायिक वन संसाधन अधिकार के क्रियान्वयन के राज्य स्तर म मार्गदर्शिका तियार करे गए हे अऊ मैदानी कर्मचारी मन बर कार्यशाला आयोजित करे गए हे, फेर ग्राम सभा मन म अभी तक सूचना अऊ प्रक्रिया पहुंच नइ पात हे। अब फेर मुख्यमंत्री ह समीक्षा करिन अऊ ग्राम सभा मन ल जागरूक करे बर एक विशेष अभियान के जरूरत महसूस करिन। एला ध्यान म रखत फाउंडेशन फॉर इकोलॉजिकल सिक्योरिटी संस्था ह आदिवासी विकास विभाग अऊ वन विभाग के मार्गदर्शन म ग्राम सभा मन ल प्रक्रिया मन के जानकारी देहे सामुदायिक वन संसाधन अधिकार जागरूकता अभियान के एक कैलेंडर तियार करिस। एकर शुभारंभ 9 अगस्त के मुख्यमंत्री भूपेश बघेल ह करिन। ये अभियान 15 अगस्त 2022 ले 26 जनवरी 2023 तक चलाए जाही।