धमतरी, 11 जुलाई 2020। धमतरी जिला म ये साल 25 ग्राम पंचायत मन के 300 एकड़ क्षेत्र म कुल 65000 फलदार सामुदायिक पौधरोपण करे जाही। मनरेगा के संग ये मा कृषि, उद्यानिकी, क्रेडा विभाग के अभिसरण हे। एखर तहत जिहां फलदार पौधा मनरेगा ले लगाए जाहीर, उहें उद्यानिकी विभाग सब्जी बीज उपलब्ध कराही, कृषि विभाग अंतर्वर्ती फसल के रूप म राहेर, मूंग, रागी आदि उपलब्ध करावत हे। क्रेडा ह सोलर ड्रिप देही। सबले बड़े बात हे के फलदार पौधा विभागीय नर्सरी म तियार करे गए हे येकर सेती ले एला बाहिर ले बिसाए के जरूरत नइ परे हे। दुसर बात, ए पौधा मन के देखभाल के जिम्मेदारी बिहान के महिला समूह मन ल सौंपे जात हे। उंखर आय म बढ़ोतरी बर सब्जी बीज अऊ राहेर, रागी वगैरह देहे जात हे। इहां बोर खनन घलोक करवाए जात, ताकि सिंचाई सुविधा मिल सकय। एखर संगेच चटौड मल्टी यूटिलिटी सेंटर के महिला समूह मन ल पौधा के सुरक्षा बर लॉकडाउन के बेरा म करीबन 40 लाख रुपिया के काम पोल अऊ फेंसिंग बनाए के देहे गए रहिस। जानबा हे के फेंसिंग के तीरे तीर करोंदा अऊ एग्रो फॉरेस्ट्री पौधा खमार घलोक लगाए जाही। प्रदेश के वाणिज्यिक कर (आबकारी), वाणिज्य अउ उद्योग मंत्री अऊ जिला के प्रभारी मंत्री श्री कवासी लखमा ह ए पौधा मन के बने सहिन देखभाल होवय ये ठउका करे के हुकुम दीन। ओ मन काली जिला स्तरीय अधिकारी मन के मंझनिया 12 बजे ले कलेक्टोरेट सभाकक्ष म बैठक लेवत रहिन। ये दौरान मुख्य कार्यपालन अधिकारी जिला पंचायत श्रीमती नम्रता गांधी ह बताइस के ये योजना के तहत महिला समूह मन ल पौधा मन देखभाल के जिम्मेदारी दस साल बर लीज म देहे जात हे।
लउछरहा..
दिव्यांग देवलाल के चेहरा म लहुटिस मुस्कान
धमतरी, 29 फरवरी 2024। निदान कार्यक्रम ले कई दिव्यांग मन ल फायदा होवत हे अऊ उंखर...राष्ट्रीय आयुष कार्यक्रम सुप्रजा के धमतरी जिला म होइस शुरूआत
February 18, 2024 Surabhi Tiwari Comments Off on राष्ट्रीय आयुष कार्यक्रम सुप्रजा के धमतरी जिला म होइस शुरूआतधमतरी, 18 फरवरी 2024। संचालनालय (आयुष) अउ कलेक्टर सुश्री नम्रता गांधी के मार्गदर्शन म गर्भवती माता...धमतरी: महतारी वंदन योजना बर जिला म एक लाख अट्ठईस हजार ले जादा महिला मन ह भरिन आवेदन
February 14, 2024 Surabhi Tiwari Comments Off on धमतरी: महतारी वंदन योजना बर जिला म एक लाख अट्ठईस हजार ले जादा महिला मन ह भरिन आवेदनधमतरी, 14 फरवरी 2024। प्रदेश के मुख्यमंत्री श्री विष्णुदेव साय के पहल म महिला सशक्तिकरण ल...