शारदा, प्रमिला, अउ अन्नपूर्णा बनही अपन परिवार के सहारा
रायपुर, 16 जुलाई 2024। मुख्यमंत्री श्री विष्णु देव साय के संवेदनशील सरकार मनखे मन के हित म जल्दी काम करत हे। समय सीमा के अंदर जरूरतमंद परिवार ल अनुकंपा नियुक्ति मिल सकय, शासन ए बात म सरलग प्रयास करत हे। एकरे सेतीन गरियाबंद जिला के श्रीमती शारदा पटेल, श्रीमती प्रमिला कुर्रे अउ सुश्री अन्नपूर्णा ध्रुव ल अनुकम्पा नियुक्ति मिलीस। कलेक्टर श्री दीपक अग्रवाल ह तीनों ल अनुकम्पा नियुक्ति पत्र प्रदान करीस। उमन शासन के जल्दी कार्यवाही बर मुख्यमंत्री ल धन्यवाद देहे हे।
ग्राम देवरी जिला जांजगीर चांपा के रहइया श्रीमती शारदा पटेल ह बताइस कि वोखर पति व्याख्याता के रूप म हायर सेकेण्डरी स्कूल अकलवारा म पदस्थ रहिस। वोखर निधन के बाद भृत्य पद के रूप म अनुकंपा नियुक्ति शासकीय हाईस्कूल लोहझर म मिले हे। वो ह बताइस कि अनुकंपा नियुक्ति मिले ले परिवार के पालन पोषण अउ देखरेख म सहायता मिलही। संगेच भविष्य घलोक सुरक्षित रहिही। अइसनहे मचेवा जिला महासमुंद के रहइया श्रीमती प्रमिला कुर्रे के पति शिक्षक (एलबी) के रूप म शासकीय मीडिल स्कूल गुड़ेमा म पदस्थ रहिस। वोखर निधन के बाद ओ ल भृत्य के रूप म शासकीय हाईस्कूल सेमरा म अनुकंपा नियुक्ति मिलीस। वो ह बताइस के पति के जाय के बाद भविष्य बर चिंतित रहिस। छत्तीसगढ़ शासन के पहल ले अनुकंपा नियुक्ति मिले ले लइका मन के पढ़ई -लिखई अउ भविष्य संवारे म मदद होही। मैनपुर अंतर्गत ग्राम गोना के निवासी सुश्री अन्नपूर्णा ध्रुव के पिता शासकीय मीडिल स्कूल गरहाडीह म शिक्षक (एलबी) के पद म पदस्थ रहिस। वोखर निधन के बाद राज्य शासन के संवदेनशीलता के सेती बड़ जल्दी अन्नपूर्णा ल भृत्य पद म शासकीय हायर सेकेण्डरी स्कूल शोभा म अनुकंपा नियुक्ति दे गीस।
