सूरजपुर , 25 जून 2024। राज्य शासन ह अनुकम्पा नियुक्ति के आवेदन मन के गंभीरता ले निराकरण करत हे। मुख्यमंत्री श्री विष्णु देव साय ह अनुकम्पा नियुक्ति के आवेदन मन ल संवेदनशीलता ले निराकरण करे के निर्देश संबंधित विभाग के अधिकारी मन ल देहे हें। इही कड़ी म सूरजपुर जिला प्रशासन ह जनपद पंचायत सूरजपुर अंतर्गत पदस्थ पंचायत सचिव स्वर्गीय कृष्ण कुमार सोनी के आकस्मिक निधन हो जाय के सेती, मृत्यु उपरांत वोखर आश्रित पुत्र श्री मिथलेश कुमार ह अनुकम्पा नियुक्ति बर आवेदन प्रस्तुत करे रहिस। आवेदक ह सबो वांछित कागद जमा करे रहिस। जइसनेच आवेदन जिला प्रशासन के संज्ञान म आइस त कलेक्टर श्री रोहित व्यास ह एम जल्दी कार्यवाही करत पात्र आवेदक ल अनुकम्पा के तहत योग्यता मुताबिक पद दे दीस।
कृष्ण कुमार के आश्रित पुत्र ल 02 महिना के भीतर सचिव पद म अनुकम्पा नियुक्ति दे गए हे। श्री मिथलेश कुमार, के पदस्थापना ड्यूटी स्थल मुख्य कार्यपालन अधिकारी, जनपद पंचायत सूरजपुर करे गए हे। मिथलेश ह मुख्यमंत्री ल धन्यवाद देवत कहिस कि हमर परिवार मुख्यमंत्री के प्रति आभारी हे जिंकर निर्देश म शासन ह बहुते जल्दी मोर अनुकम्पा नियुक्ति दे के मोर अऊ मोर परिवार ल आर्थिक रूप ले मजबूत बना दीस।
