राज्य के 7442 स्व-सहायता समूह मन ल मिलही 17 करोड़ रूपिया के बोनस
सहकारी समिति मन ल 1.70 करोड़ रूपिया के बोनस
रायपुर, मुख्यमंत्री श्री भूपेश बघेल 28 जुलाई के हरेली परब के अवसर म गौठान मन ले जुड़े कम्पोस्ट उत्पादक महिला स्व-सहायता समूह मन अऊ सहकारी समिति मन ल बोनस वितरण करहीं। मुख्यमंत्री निवास कार्यालय म बिहनिया 11.30 बजे ले आयोजित वर्चुअल कार्यक्रम के माध्यम ले मुख्यमंत्री श्री बघेल 7442 स्व-सहायता समूह मन ल 17 करोड़ रूपिया अऊ सहकारी समिति मन ल 1.70 करोड़ के राशि बोनस के रूप म देहीं।
जानबा हे कि मुख्यमंत्री श्री भूपेश बघेल के अध्यक्षता म 7 जुलाई 2022 के आयोजित मंत्रिपरिषद के बैठक म गोधन न्याय योजना के अंतर्गत गौठान मन म वर्मी कम्पोस्ट अउ सुपर कम्पोस्ट खाद के निर्माण करत महिला स्व-सहायता समूह मन ल 7 जुलाई 2022 तक बिके कम्पोस्ट के प्रति किलो मात्रा म एक रूपिया अऊ प्राथमिक सहकारी समिति मन ल 10 पइसा के दर ले प्रोत्साहन (बोनस) राशि देहे के निर्णय ले गए रहिस। इही कड़ी म 28 जुलाई के 7442 स्व-सहायता समूह मन ल 17 करोड़ अऊ सहकारी समिति मन ल 1.70 करोड़ रूपिया प्रोत्साहन राशि के रूप म जारी करे जाही।
हम आप ल बात घलव बता देवन के राज्य के कई अइसन महिला स्व-सहायता समूह हे, जेमन ल 2 लाख रूपिया ले लेके 21 लाख रूपिया तक के बोनस मिलही। राज्य के शहरी क्षेत्र के कम्पोस्ट उत्पादक स्व-सहायता समूह मन म राजनांदगांव स्वच्छ शहरी महासंघ ल सबले जादा 21 लाख 13 हजार 270 रूपिया के बोनस मिलही। अइसनहे स्वच्छ अंबिकापुर मिशन सिटी लेबल फेडरेशन 20 लाख 6 हजार 995 रूपिया, स्वच्छ मनेन्द्रगढ़ क्षेत्र स्तरीय संघ ल 9 लाख 80 हजार 702 रूपिया, एकता क्षेत्र स्तरीय संघ सिमगा ल 7 लाख 1 हजार 624 रूपिया, मां दुरपता समूह गंडई ल 6 लाख 37 हजार 978 रूपिया, मां मरियम स्व-सहायता समूह रायपुर ल 5 लाख 91 हजार 270 रूपिया, स्वच्छ दल्लीराजहरा क्षेत्र स्तरीय संघ ल 4 लाख 52 हजार 632 रूपिया, कान्हा महिला स्व-सहायता समूह रायपुर ल 4 लाख 22 हजार 780 रूपिया, गोधन शहर स्तरीय संगठन खैरागढ़ ल 3 लाख 93 हजार 31 रूपिया अऊ स्वच्छ चिरमिरी संगठन समूह ल 3 लाख 65 हजार 165 रूपिया के बोनस देहे जाही।
अइसनहे ग्रामीण अंचल के टॉप-10 कम्पोस्ट उत्पादक स्व-सहायता समूह मन म रायगढ़ जिला के बरमकेला विकासखंड के ग्राम्यश्री स्व-सहायता समूह ल 3 लाख 69 हजार 17 रूपिया, बस्तर जिला के बकावण्ड के पंचवटी स्व-सहायता समूह ल 3 लाख 65 हजार 420 रूपिया, महासमुंद जिला के बागबाहरा ब्लॉक के जय मां भवानी ल 3 लाख 29 हजार 420 रूपिया, कांकेर जिला के कोयलीबेड़ा विकासखंड के डोन्डे समूह ल 2 लाख 79 हजार 846 रूपिया, रायगढ़ विकासखंड के जय मां संतोषी समूह ल 2 लाख 59 हजार 960 रूपिया, रायपुर जिला के आरंग विकासखंड के सीता महिला संगठन ल 2 लाख 25 हजार 17 रूपिया, बलौदाबाजार-भाटापारा जिला के सिमगा विकासखंड के जय मौली माता समूह ल 2 लाख 24 हजार 40 रूपिया, बेमेतरा जिला के बेरला विकासखंड के जय सतनाम स्व-सहायता समूह ल 2 लाख 14 हजार 20 रूपिया, गरियाबंद जिला के फिंगेश्वर ब्लॉक के गौ-सेवा महिला स्व-सहायता समूह सेन्दर ल 2 लाख 12 हजार 490 रूपिया अऊ रायपुर जिला के आरंग विकासखंड के राजलक्ष्मी महिला स्व-सहायता समूह टेकरीकुंडा ल 2 लाख 10 हजार 253 रूपिया बोनस मिलही।