स्वतंत्रता आंदोलन के सरोकार मन ल अक्षुण्ण रखे के संगेच समाज हित म सूचना मन के रचनात्मक परयोग न्यू मीडिया के चुनौती : श्री भूपेश बघेल

दुर्ग, मुख्यमंत्री श्री भूपेश बघेल ह कहे हें कि स्वतंत्रता आंदोलन के पृष्ठभूमि तियार करे म पत्रकार मन के अहम भूमिका रहिस। चाहे गांधी जी होवय, तिलक होवय, पंडित मोतीलाल नेहरू होवय या गणेश शंकर विद्यार्थी। इमन देश के स्वातंत्र्य चेतना ल पत्रकारिता के माध्यम ले स्वर दीन। ऊंखर देहे गए संस्कार न्यू मीडिया बर धरोहर के जइसे हे। लोकतांत्रिक मूल्य मन के सजग प्रहरी के रूप म उमन पत्रकारिता के भूमिका स्थापित करिन। स्वतंत्रता प्राप्ति के बाद घलोक लोकतंत्र ल मजबूत बनाए म चौथा स्तंभ के प्रखर भूमिका म पत्रकारिता रहिस। आजादी के बाद किसान, वनवासी अऊ श्रमिक मन जइसे वंचित वर्ग मन के अवाज बनके पत्रकारिता उभरिस। मुख्यमंत्री श्री बघेल आज भिलाई सेक्टर-4 के एस.एन.जी. स्कूल ऑडिटोरियम म न्यू इंडिया के न्यू मीडिया विसय उपर आयोजित राष्ट्रीय संगोष्ठी, पत्रकारिता अलंकरण अऊ सम्मान समारोह ल सम्बोधित करत रहिन।
कार्यक्रम म छत्तीसगढ़ पत्रकार यूनियन ह उत्कृष्ट काम करत मनखे मन के सम्मान घलोक करिस। युवा मन ल मोटिवेट करे बर आईजी श्री रतनलाल डांगी, पुलिस म उत्कृष्ट सेवा देवइया अब्दुल रमीज, पत्रकारिता के क्षेत्र म स्वर्गीय पूरन साहू स्मृति सम्मान ले श्रीमती अनुभूति भाखरे ठाकुर, सेवा रत्न अलंकरण ले डॉ. प्रदीप कौशिक अऊ नीना अग्रवाल ल सम्मानित करे गीस। ये मौका म विधायक श्री अरुण वोरा, भिलाई विधायक श्री देवेंद्र यादव, पत्रकार यूनियन प्रदेश पत्रकार यूनियन के अध्यक्ष श्री प्रदीप सान्याल महासचिव श्री सतीश बौद्ध, श्री गिरीश राव, श्री मनीष चौबे अऊ आन पदाधिकारी मौजूद रहिन। संगेच आईजी श्री विवेकानंद सिन्हा, कलेक्टर डॉ. सर्वेश्वर नरेंद्र भुरे, एसपी श्री बद्रीनारायण मीणा अऊ आन अधिकारी घलोक उपस्थित रहिन।