रायपुर, 09 अप्रैल 2020। छत्तीसगढ़ म एक अउ कोरोना पॉजिटिव के पुष्टि होय हे. संक्रमित व्यक्ति तबलीगी जमात के युवक के संपर्क म रहिस. वो युवक घलो कोरोना पॉजिटिव हे, जेखर इलाज रायपुर एम्स म चलत हे. मामला कोरबा जिला के कटघोरा के हे. संक्रमित व्यक्ति ल इलाज बर रायपुर एम्स लाये जावत हे।
येति स्थानीय प्रशासन मस्जिद म आने जाने वाला मन के सर्वे म लगे हे. पॉज़िटिव मरीज के संपर्क म पहुंचे लोगन मन ल चिन्हांकित करे जावत हे। बता देथन कि प्रदेश म अबतक कुल 11 कोरोना पॉजिटिव केस आगु आये हे. 9 कोरोना पॉजिटिव मरीज मन ठीक हो चुके हे। अब छत्तीसगढ म कुल दो कोरोना पॉजिटव मामले हे.
स्वास्थ्य मंत्री टीएस सिंहदेव ह ट्वीट करके ये मामला के जानकारी दिस. उमन कहिन कि एखरे सेती ले मैं लॉकडाउन खोले म जल्दबाजी करे के खिलाफ रहेंव. मैं ह येला लेके आगाह घलो करे रहेंव. हालात ल देखत हुए हमन ल अउ अधिक परीक्षण करे के जरूरत हे.
