रायपुर, मुख्यमंत्री श्री भूपेश बघेल ह प्रदेशवासी मन ल शारदीय नवरात्रि पर्व के बधाई अऊ शुभकामना देहे हें। श्री बघेल ह अपन बधाई संदेश म कहे हें कि नवरात्रि मातृशक्ति के उपासना के पर्व ये। ए पर्व म मनखे नौ दिन तक नारी शक्ति के स्वरूप देवी दुर्गा के नौ अलग-अलग रूप के पूजा करथे अऊ व्रत रखथे। उमन कहिन कि हमर संस्कृति म देवी ल शक्ति, नारी, मां, बुद्धि अऊ लक्ष्मी के स्वरूप माने गए हे। कहे घलोक गए हे जिहां नारी मन के सम्मान होथे उहां देवता मन के वास होथे। ए अवसर म हम सबो महिला मन के मान-सम्मान, गौरव ल बनाए रखे अऊ ऊंखर विरूद्ध हिंसा के विरोध के संकल्प लेवव। उमन नवरात्रि म देवी दुर्गा ल प्रणाम करत प्रदेश के सुख, समृद्धि अऊ खुशहाली के प्रार्थना करे हें।
मुख्यमंत्री श्री बघेल ह प्रदेशवासी मन ल नवरात्रि के बधाई अऊ शुभकामना दीन
