जगदलपुर म किसान मन ह 20 गांव म बांटिन निःशुल्क साग-भाजी

जगदलपुर, 7 अप्रैल 2020। कोरोना वायरस के संक्रमण ल रोके बर करे गे लॉकडाउन के बेरा म जगदलपुर जिला प्रशासन के पहल म सब्जी उत्पादक किसान मन कोति ले जिला के 20 गांव म साग-भाजी बिना पईसा के बांटे जावत हे। जिला के जागरूक किसान मन अऊ युवा जागृति सोनारपाल कोति ले ग्रामीण इलाका म साग-भाजी पहुचाए के उद्देश्य ले 6 अप्रेल के 20 गांव म निःशुल्क सब्जी वितरण करे गीस। जिला के बस्तर विकासखण्ड के सोनारपाल के अंदरूनी ग्रामीण क्षेत्र मे घोटिया, नारायणपाल, अलनार, चेराकूर संग क्षेत्र के गांव मन म निःशुल्क वितरण बर 240 बोरा पत्तागोभी, 110 केरेट टमाटर, 116 बोरा लौकी, 126 बोरा बैगन, 100 बोरा गिल्खी, 250 बोरा खीरा, 90 बोरी हरी मिर्च अऊ 25 बोरा करेला ल 11 वाहनों म भरकर गांव वाले मन म वितरण करे गीस।