पौधा मन के संरक्षण ल बताइस बहुत जरूरी
जगदलपुर, 08 जुलाई 2020। जगदलपुर कलेक्टर श्री रजत बंसल ह बस्तर जिला म इंद्रावती नदी के दुनों पार म होवत सघन वृक्षारोपण अभियान ’आमचो इंद्रावती-कठा लगाऊ बुटा’ म समाज के सबो वर्ग के मनखे मन ल सक्रिय भागीदारी ठउका करके ये अभियान ल सफल बनाए के अपील करे हें। कलेक्टर श्री बंसल ह कहिन के ये अभियान के अंतर्गत केवल पौधा ल रोपित करना ही महत्वपूर्ण नइ हे वरन् ओखर संरक्षण, संवर्धन अऊ सुरक्षा महत्वपूर्ण हे। उमन अवइया दू बछर तक रोपे गए पौधा मन के देख-रेख ल बहुत जरूरी बताइन।
कलेक्टर श्री बंसल ह बताइन के ’’आमचो इंद्रावती-कठा लगाऊ बुटा’’ अभियान म करीबन 80 हजार पौधा नदिया के पार म लगाए गए हे जेमा ले करीबन 14 हजार जाम गए हे। संगेच आधा संख्या म गढ्ढा खोदके जरूरी तैयारी तको कर लेहे गए हे। वन, राजस्व अऊ पंचायत विभाग के हमार शासकीय अमला अउ जन सहयोग ले इंद्रावती नदी के किनारे स्थित जिला के 80 ग्राम पंचायत मन म ये काम ल सुग्घर तरीका ले करत हें। ये अभियान के अंतर्गत कम खर्च म जादा ले जादा पौधा के रोपण अऊ वोखर सुरक्षा बर स्थानीय सामान मन के उपयोग करे जात हे। श्री बंसल ह जिला के आम नागरिक मन कोति ले रोपे गए पौधा मन ल अपन लइका मन के जइसे देख-रेख करके उंखर सुरक्षा ठउका करे ल कहे हें।