आरक्षक ह खुद ल मारिस गोली, क्वारेंटाइन सेंटर म करत रहिस ड्यूटी

बलरामपुर, 27 मई 2020। सामरी म पदस्थ आरक्षक ह खुद ल अपन सर्विस राइफल ले गोली मार लिन हे. घायल जवान के गंभीर हालत ल देखत हुए सामुदायिक स्वास्थ्य केंद्र ले अंबिकापुर मेडिकल कॉलेज रेफर करे गये हे. मिले जानकारी के अनुसार, आरक्षक महेश सिंह के ड्यूटी क्वॉरेंटाइन सेंटर म लगाये गये रहिस. सेंटर ले वापस वो खाना खाये बर सामरी थाना परिसर पहुंचा रहिस. इही बेरा आरक्षक काखरो संग फोन म बात करत रहिस. कि अचानक वो भवन के छत म चढ़ के खुद के रायफल ले गोली मार लिन. गोली के आवाज सुन के थाना परिसर म मौजूद लोग मन ह तत्काल जवान तक पहुंचिस. ओला गंभीर अवस्था म कुसमी स्थित सामुदायिक स्वास्थ्य केंद्र म भर्ती कराइस, जहां ले डॉक्टर मन ह ओखर हालत ल देखत हुए अंबिकापुर मेडिकल कॉलेज रेफर करे हे. फिलहाल, पुलिस मामला के जांच म जुटगे हे.