मुख्यमंत्री श्री विष्णुदेव साय ह संविधान दिवस के अवसर म डॉ. भीमराव अंबेडकर के प्रतिमा उपर माला चढ़ा के करिन नमन

रायपुर, मुख्यमंत्री श्री विष्णु देव साय ह आज राजधानी रायपुर स्थित अंबेडकर चौक म भारत रत्न डॉ. भीमराव अंबेडकर के प्रतिमा उपर फुल चढ़ा के ओ मन ल सादर नमन करिन। डॉ. अंबेडकर के प्रति गहिर सम्मान व्यक्त करत मुख्यमंत्री ह कहिन के ओ मन केवल भारतीय संविधान के शिल्पकार ही नइ रहिन, बल्कि समानता, न्याय अऊ सामाजिक समरसता के अटूट स्तंभ घलोक रहिन।
ए बेरा म विधायक श्री राजेश मूणत, विधायक श्री पुरंदर मिश्रा, महापौर श्रीमती मीनल चौबे संग आन जनप्रतिनिधि, अधिकारीगण अऊ बड़ संख्या म उपस्थित आमजनता ह संविधान दिवस म डॉ. अंबेडकर के अप्रतिम योगदान ल सुरता करिन अऊ संविधान के प्रति अपन प्रतिबद्धता दुहराईन।
मुख्यमंत्री श्री साय ह अपन उद्बोधन म कहिन के हमर संविधान देश के एकता, अखंडता अऊ लोकतांत्रिक मूल्य मन के असली आधार हे। डॉ. अंबेडकर ह दूरदर्शिता अऊ गहन अध्ययन के संग संविधान के प्रारूप निर्माण म योगदान देहे हें। भारत के संविधान न केवल हमार अधिकार मन के रक्षा करथे, बल्कि नागरिक कर्तव्य मनके प्रति हमला जागरूक घलोक करथे। कार्यक्रम के समय उपस्थित जनसमूह ह घलोक विविधता म एकता के भारतीय परंपरा ल आगू बढ़ाय अऊ संवैधानिक मूल्य मन ल जीवन म उतारे के संकल्प लीन।