जशपुर, 19 फरवरी 2024। हर एक मनखे के सपना होथे कि ओखर खुद के एक पक्का घर होवय, पक्की छत होवय, जेमां वो सपरिवार अपन जीवन यापन कर सकय। छत्तीसगढ़ सरकार ह इही दिशा म बेहतर ढंग ले काम करत मुख्यमंत्री श्री विष्णुदेव के अगुवई म जरुरतमंद मन बर पीएम आवास योजना के तहत पहली प्राथमिकता के संग घर निर्माण के स्वीकृति दे गए हे। एखर परिणाम स्वरुप पूरा प्रदेश म तेजी ले पीएम आवास शहरी अउ ग्रामीण के निर्माण काम जारी हे। जशपुर जिला म घलोक पीएम आवास योजना शहरी अउ ग्रामीण के तहत हजारों लाभार्थी मन ल बकाया किस्त जारी होए के बाद अब अधिकांश मनखे मन के मकान पूरा हो गए हे।
पीएम आवास योजना शहरी के पात्र हितग्राही खजांचीटोली बस्ती, जशपुर निवासी श्री मुनेश्वर राम ह बताइस कि दू साल पहिली आवास निर्माण के स्वीकृति के संग सिरिफ दू किस्त आए रहिस। ते पाए के घर के काम पूरा नइ होए रहिस। जब प्रदेश म नवा सरकार आईस अऊ आवास निर्माण के स्वीकृति के संग बकाया किस्त जारी करे गीस ओखर बाद आवास निर्माण के काम पूरा होइस। वो ह कहिस कि सरकार जरूरतमंद मन के जरूरत ल धियान म रखते ऊंखर सपना ल साकार करे बर सुग्घर काम करत हे। खुद के पक्का घर बने के बाद अब पूरा परिवार खुशी ले रहत हें। एखर बर प्रदेश के मुख्या श्री विष्णुदेव साय जी के वो ह आभार जताइस।
योजना के पात्र हितग्राही जशपुर निवासी श्री आनंद भगत के कहना हे पहिली जब ओखर कच्चा मकान रहिस, तब ओ ल अपन मकान के अऊ परिवार के बहुत चिंता होत रहिस। बरसात के दिन म अऊ जादा परेशानी होत रहिस। कच्चा मकान होए ले घर के भीतर पानी चूहय अऊ कई परकार के परेशानी रहिस । मोर पक्का मकान बनाए बर सरकार ह मोर बैंक म जइसनहे पइसा डारिस, त मोर खुशी के ठिकाना नइ रहिस। मैं ह तुरंते अपन मकान के काम शुरू करेंव अऊ जइसे-जइसे मकान बनाए बर किस्ते मोर बैंक खाता म आए लगीस मोर अपन खुद के पक्का मकान बन गे। आज मोर खुद के पक्का मकान हे। अब में अपन पक्का मकान म आराम से अऊ चिंता मुक्त होके रहत हंव। एखर बर प्रधानमंत्री श्री नरेन्द्र मोदी अऊ मुख्यमंत्री श्री विष्णुदेव साय जी ल धन्यवाद देवत हंव।
छत्तीसगढ़ म लउहे-लउहे होवत हे पीएम आवास निर्माण के काम
