बिलासपुर, प्रधानमंत्री सूर्यघर मुफ्त बिजली योजना पूरा देश के जइसे बिलासपुर जिला के मनखे मन बर घलोक फायदेमंद साबित होवत हे। एखर से न केवल पर्यावरण संरक्षण ल बढ़ावा मिलत हे, बल्कि महंगाई के ए दौर म भारी-भरकम बिजली बिल ले घलोक राहत मिलत हे। बिलासपुर के अशोक नगर निवासी श्रीमती अंजलि सिंह ह अपन छत म तीन किलोवाट के सोलर प्लांट स्थापित करे हे। वो ह बताइस के ए सोलर प्लांट के कुल लागत एक लाख 85 हजार रुपिया आए हे। ये मां केंद्र सरकार ले 78 हजार रुपिया के सब्सिडी घलोक मिले हे।
श्रीमती अंजलि सिंह ह बताइस के सोलर प्लांट लगाय ले पहिली ओखर घर के मासिक बिजली बिल ढाई ले तीन हजार रुपिया तक आत रहिस। फेर अब ओखर बिजली बिल आधा हो गए हे। एखर से ओ मन ल आर्थिक रूप ले बड़ राहत मिले हे। वो ह कहिस के प्रधानमंत्री श्री नरेन्द्र मोदी के दूरदर्शी सोच ले अक्षय ऊर्जा ल बढ़ावा अऊ प्राकृतिक संसाधन मन के संरक्षण म महत्वपूर्ण योगदान मिलत हे। प्रधानमंत्री सूर्यघर मुफ्त बिजली योजना म अब राज्य सरकार घलोक केंद्र सरकार के संग मिलके उपभोक्ता मन ल लाभ पहुंचावत हे।
बिजली बिल होइस आधा, 30 हजार के अकतहा अनुदान देवत हे राज्य सरकार
