मेडिकल कालेज म छूत के रोग मन उपर होइस संगोष्ठी कार्यक्रम

दुर्ग, चंदूलाल चंद्राकर स्मृति शासकीय चिकित्सा महाविद्यालय म इन्फेक्शन प्रिवेंशन हफ्ता के अंतर्गत छूत के रोग ( संक्रमण या इन्फेक्शन ) मन उपर संगोष्ठी के आयोजन करे गीस। ये कार्यक्रम म डॉ. उमेश खुराना ह कहिन कि डॉक्टर, नर्स अऊ सफाई कर्मचारी मन अऊ नागरिक मन ल कोविड -19, हिपेटाइटिस बी अऊ इन्फेलुजा जइसे दुर्लभ बीमारी मन ले वैक्सीन लगाके ए संक्रमण मन ले बचाए जा सकत हे। इही कड़ी म विषज्ञय ह अपन व्याख्यान म बताइन कि कोविड-19 के महामारी के बाद जन सामान्य घलोक शारीरिक अऊ आसपास के वातावरण के साफ़-सफाई के महत्व बने सहिन समझे लगे हे अऊ बचाव बर बड़ मात्रा म मास्क, सैनिटाइजर अऊ ग्लव्स के परयोग करत हें।
कार्यक्रम बताए गीस कि छूत के रोग मन ले बचाव बर 20 सेकेण्ड तक बताए गए विधि ले साबुन ले हाँथ धोना या अल्कोहल सहित सैनिटाइजर के उपयोग करके मनखे संक्रमण ले बांच सकत हें। एखर अलावा खाँसत अऊ छिंकत बेरा सावधानी रखके कोविड, इन्फेलुजा अऊ कई स्वसन तंत्र के रोग मन ले बांचे जा सकत हे। उहें संक्रमित वस्तु मन ल निरधारित लाल, नीला, पीला, सफ़ेद अऊ काला डब्बा मन म डालके निस्तारण बर भेजके संक्रमण ल फैले ले रोके जा सकत हे।
ये कार्यक्रम ल डॉ. ऋचा तिग्गा, डॉ. रश्मिका दवे अऊ डॉ. पी. अनुषा ह संयोजित करिस। मैक्रो बायोलॉजी विभाग कोति ले आयोजित ये आयोजन म अधिष्ठाता, अस्पताल अधीक्षक, सबो विभागध्यक्षो अउ आन चिकित्सा शिक्षक सामिल होइन।