पक्की सड़क ले गांव पहुंचत हे सुविधा अऊ खुशहाली

कोरिया, विकासखण्ड बैकुंठपुर म सरभोका ले छिन्दीया म जिला परियोजना क्रियान्वयन इकाई, छत्तीसगढ़ ग्रामीण सड़क विकास अभिकरण कोति ले प्रधानमंत्री ग्राम सड़क योजना के तहत 7.40 किमी. लम्बा सड़क 3 करोड़ 98 लाख 43 हजार के लागत ले साल 2019-20 म बनाए गए हे। एखर से क्षेत्र के 3 बसाहट म निवासरत करीबन 2 हजार 200 जनसंख्या लाभान्वित होए हे। विकासखण्ड बैकुंठपुर म पटना ले छरछा व्हाया मुरूमा, बेसरझरीया म करीबन 13 किमी. लम्बाई के सड़क के निर्माण ले क्षेत्र के 06 बसाहट मन के 5 हजार 280 जनसंख्या लाभान्वित होए हें। 9 करोड़ 46 लाख 35 हजार के लागत ले 2019-20 म पूरा करे गए सड़क निर्माण ले ए क्षेत्र मन म गांव वाले मन ल आवागमन म सुविधा के संग शिक्षा, रोजगार, व्यवसाय अउ कृषि उपकरण के परिवहन म घलोक सुविधा होवत हे।
अइसनहे प्रधानमंत्री ग्राम सड़क योजनान्तर्गत विकासखण्ड भरतपुर म रांपा नदी म अक्तवार ले च्यूल मार्ग म बड़का पुल के निर्माण आर.डी. 1900 मीटर बाई 100 मीटर के 2 करोड़ 54 लाख 48 हजार के लागत ले साल 2021 म पूरा कराए गए हे। जेखर से क्षेत्र के 382 जनसंख्या लाभान्वित होए हें। गांव वाले मन के बताती ये बड़का पुल पहिली बने सड़क अक्तवार ले च्यूल के दू बसाहट ल मुख्य मार्ग ले जोड़त रहिस, सड़क के बीच म रांपा नदी परत रहिस जेन म पुल नइ रहिस, वर्षा काल म ये दुनों बसाहट जिला अऊ विकासखण्ड मुख्यालय ले कट जात रहिस अऊ आपात स्थिति म ए दुनों बसाहटों तक पहुंचे के कोनो दुसर वैकल्पिक रद्दा नइ रहिस। शासन ह साल 2018-19 म ये नदी म प्रधानमंत्री ग्राम सड़क योजनान्तर्गत बड़का पुल के काम स्वीकृत कराके साल 2021 म पुल के निर्माण काम पूरा करिस जेखर पाछू गांव वाले मन ल बारहमासी आवागमन के सुविधा मिल गे। ये पुल ये क्षेत्र के सामाजिक, आर्थिक विकास के आधार बनत हे।
जिला म ये योजनान्तर्गत साल 2019 म 9 सड़क मन के उन्नयन अऊ चौड़ीकरण के काम 61 करोड़ 51 लाख 14 हजार रुपिया के लागत ले पूरा करे गीस, जेकर कुल लम्बाई 94.63 कि.मी. हे। ए सड़क मन के निर्माण काम ले एक हजार वाले 5 बसाहट, 5 सौ वाले 6 बसाहट अऊ 250 वाले 2 बसाहट कुल 13 बसाहट लाभान्वित होइस। ए सड़क मन के निर्माण ले मनखे मन ल सुलभ आवागमन के सुविधा प्राप्त होइस अऊ अभी हाल म स्वास्थ्य सुविधा प्राप्त करे बर आसानी ले जिला चिकित्सालय पहुँचे अऊ पढ़ईया लईका मन ल घलोक उच्‍च शिक्षा प्राप्त करे बर महाविद्यालय पहुँचे म समय के बचत होवत हे।