राज्यपाल श्री रमेन डेका अऊ मुख्यमंत्री श्री विष्णु देव साय दुर्ग के हेमचंद यादव विश्वविद्यालय के दीक्षांत समारोह म सामिल होइन

दुर्ग, 7 अगस्त 2024। राज्यपाल श्री रमेन डेका औऱ  मुख्यमंत्री श्री विष्णुदेव साय के गरिमामयी  मौजूदगी म आज दुर्ग के हेमचंद यादव विश्वविद्यालय के दूसरइया दीक्षांत समारोह होइस। बी.आई.टी. के सभागार  म आयोजित  ये  दीक्षात समारोह म 68 पढ़ईया लईका मन ल शोध उपाधि अऊ 48 पढ़ईया लईका मन ल कक्षा म प्रावीण्य सूची म पहला नम्‍बर आए म स्वर्ण मंडित पदक  प्रदान करे गीस।  ए अवसर म सम्भाग आयुक्त श्री एस. एन. राठौर, आईजी श्री आर. जी. गर्ग, कलेक्टर सुश्री ऋचा प्रकाश चौधरी, एसपी श्री जितेंद्र शुक्ला, कुलपति श्रीमती अरुणा पलटा, कुलसचिव श्री भूपेंद्र कुलदीप संग स्थानीय जनप्रतिनिधि, शिक्षाविद अउ गणमान्य नागरिक उपस्थित रहिन।